KellyChu - 立法會音效系統現雜音 更換全新裝備助議政｜Executive日記
KellyChu
2023-03-16 00:00
字體大小
立法會主席梁君彥日前話，立法會會議廳原先嘅音效系統用咗超過10年，因為唔可以防止手機信號干擾，秘書處就趁住3月嘅休會期，換咗具防干擾功能嘅全新系統。不過議會昨日首次使用，就出咗少少意外。
立法會昨日復會，官員回答議員第一項口頭質詢嗰陣，現場出現雜音，搞到議會傳出一陣笑聲，議員邵家輝仲同梁君彥研究雜音究竟喺邊嚟。不過秘書處職員好快就解決咗問題，會議只係暫停咗一、兩分鐘。秘書處之後解釋，大會期間，立法會綜合大樓二樓會議廳公眾席或記者席嘅電視通常設為靜音，不過其中一部電視嘅靜音功能故障，發出聲響，影響到會議進行，強調事故同全新音效系統無關。
Kelly Chu
立法會昨日復會，官員回答議員第一項口頭質詢嗰陣，現場出現雜音，搞到議會傳出一陣笑聲，議員邵家輝仲同梁君彥研究雜音究竟喺邊嚟。不過秘書處職員好快就解決咗問題，會議只係暫停咗一、兩分鐘。秘書處之後解釋，大會期間，立法會綜合大樓二樓會議廳公眾席或記者席嘅電視通常設為靜音，不過其中一部電視嘅靜音功能故障，發出聲響，影響到會議進行，強調事故同全新音效系統無關。
Kelly Chu
最Hit
更多文章
