KellyChu - 瑪利諾修院學校杜鵑花盛開 網民驚歎:外國都無咁靚|Executive日記

3月係杜鵑開花時節,瑪利諾修院學校旁嘅一片小山坡,開出一片繽紛斑斕嘅花海,吸引途人駐足欣賞。有網民淨係睇圖都驚歎:「外國都無佢咁靚!」

瑪利諾修院學校就係九龍塘窩打老道、牛津道附近,有坐巴士經過嘅網民見到咁靚嘅杜鵑花海,即刻用手機影低,同網民開心share。大家見到頻頻畀like,有人仲大讚:「外國都無佢咁靚」、「3月杜鵑紅……名不虛傳」。有熟行情嘅龍友就教路:「瑪利諾修院學校嘅花園每年呢個時候啲杜鵑都開得好燦爛,但係要坐巴士上層左邊先影到,行路經過都影唔到咁靚」。
Kelly Chu
更多文章