KellyChu - 長存港人心中20年 港鐵《美紙》聯辦「哥哥」創作展|Executive日記

「哥哥」張國榮雖然已經離開我哋20年,不過佢溫柔嘅面容,長留喺港人心中。港鐵三月底起就會聯同《美紙》,喺香港站舉辦《你在我心張國榮20年創作展》,屆時仲邀請到多位著名藝術家同設計師,講述一個個佢哋同哥哥相遇嘅故事,大家唔好錯過!

《你在我心張國榮20年創作展》3月23日下午5時起至4月6日,會喺港鐵香港站近C出口嘅已付車費區域舉行,參展藝術家包括阮大勇、Harvey Chan、甘小文、Cuson Lo、Paul Lung、Man僧、塵阿力、Pen So、Tom Wong、Terence Choi及Isaac Spellman巫男;另外,主辦方亦邀請到A super crazy Monster Director葛民輝聯乘牛大米總,設計張國榮1︰1半胸雕像。

另外,多個曾同哥哥合作嘅名人都願接受主辦方訪問,包括林敏驄、谷德昭、陳幼堅、關錦鵬、文雋、文念中、吳里璐等,佢哋將會講述各自關於哥哥嘅故事,無論係曾經邂逅,抑或刻骨銘心。
Kelly Chu ■葛民輝今次聯乘牛大米總,設計張國榮1:1半胸雕像。
■葛民輝今次聯乘牛大米總,設計張國榮1:1半胸雕像。
更多文章