KellyChu - 麥當勞兒童馬拉松再開跑! 「姜B」展愛心用行動送祝福|Executive日記

好消息!闊別五年,第14屆「麥當勞兒童愛心馬拉松2023」4月22日會喺跑馬地馬場再度開跑!即日起,全城大小跑手都可以捐款報名參加,為香港麥當勞叔叔之家慈善基金籌款。而人氣MIRROR成員姜濤就會擔任香港麥當勞叔叔之家慈善大使,各位大小朋友到時可以同姜濤一齊,將行善變成習慣,宣揚「小朋友幫助小朋友」嘅精神,用行動為患有癌症、心臟科、腎科或罕見病嘅兒童,送上支持同祝福。

Kelly提提大家,「麥當勞兒童愛心馬拉松2023」即日起就可以網上報名(https://kidathon.mcdonalds.com.hk/tc/register),親子組分三個時段進行,每位參加者最低捐款額為100元,每節時段先到先得,額滿即止。屆時每位成功報名嘅參加者可獲得一份跑手包,包括一件活動T恤同號碼布等。另外,當日場內有連串親子活動,好適合一家大細過個愉快周末,快啲報名喇!
Kelly Chu ■今次大小朋友可以同姜濤一齊做慈善,Kelly都想!
■今次大小朋友可以同姜濤一齊做慈善,Kelly都想!
更多文章