任睇No.1
  • 29º
  • 86%
  • 2023年6月10日 星期六

KellyChu - 土耳其搜救犬禮賓府作客 特首:o氹到我個心好甜啊|Executive日記

土耳其2月發生7.8級大地震,香港特區政府救援隊遠赴當地協助救援,期間消防處派出2隻搜救犬Umi同Twix營救,呢2個小英雄回港後近日完成檢疫,特首李家超就即刻邀請佢哋去禮賓府作客。期間狗狗好活潑興奮,唔單止翻肚討摸,仲撲咗上特首個身度,o氹到特首都話:「o氹到我個心好甜啊。」

李家超喺Facebook發文話,Twix同Umi近日已經完成檢疫,身體檢查結果好理想,可以繼續執行職務,所以佢即刻「宴請」Twix、Umi,仲有Umi姊姊Uma到禮賓府作客,用佢哋最鍾意嘅零食作招待,答謝佢哋一直以來喺救災任務中嘅付出同出色表現。特首形容,3隻狗狗活潑好動,去到達禮賓府草地嗰陣,非常興奮。其中Twix翻肚討摸,送禮物畀佢嗰陣,仲開心到撲咗上特首個身度,o氹到特首笑住話:「o氹到我個心好甜啊。」

特首又話,狗狗係人類嘅好朋友,亦係大家合作無間嘅工作拍檔,現時本港紀律部隊共有近340隻工作犬,協助部門人員執行各項同維護法紀、保障大眾安全有關嘅職務,包括巡邏、調查、緝毒、搜索等,希望借此機會,答謝一直默默守護城市治安嘅領犬員同狗狗。
Kelly Chu■近日特首邀請土耳其搜救犬去禮賓府作客。
■近日特首邀請土耳其搜救犬去禮賓府作客。

hd