KellyChu - 接載已預約榮迷 遊走偶像足跡 藝術家手繪巴士巡遊悼哥哥|Executive日記

今年係一代巨星張國榮(哥哥)逝世20周年,明日是其死忌。有本地藝術家繼2020同2021年,再自資推出「哥哥巴士」喺本港遊走,同大家一齊紀念哥哥,分別係經典嘅前中巴利蘭珍寶巴士,同埋途經多個哥哥生前到過地方嘅新巴26號線,Kelly覺得真係好有心。

呢架「珍寶巴士」會披上Jimmy阮繼增新手繪嘅哥哥肖像,喺4月1、2、5、8同9日,穿梭港九新界,喺明天哥哥死忌當日,會到香港文化博物館、紅磡香港體育館、西九文化區等地方,接近黃昏時間,巴士會回到哥哥離開我哋嘅中環文華東方酒店外繞圈。至於其他日子,巴士會接載已預約嘅各地榮迷,車內展示張國榮電影、音樂廣告照片同海報,榮迷都會有精美「紀念車票」1張。

至於新巴26號線,會喺4月17至30日期間,遊走於上環荷李活道同大坑勵德邨之間,畀榮迷「打卡」。
Kelly Chu
更多文章