KellyChu - 鄭志剛周董演唱會展歌喉|Executive日記

台灣天王歌手周杰倫喺中環海濱舉行一連七場演唱會,熱爆全城,出名熱愛音樂藝術嘅新世界發展行政總裁鄭志剛(Adrian),前晚就專登入場支持,仲畀「周董」親自點名現場合唱《說好的幸福呢》,聽到觀眾如癡如醉。兩人之後仲喺IG友情互動,關係好似非同一般,實情到底係點呢?

演唱會完咗沒耐,周杰倫就喺IG上載同鄭志剛合唱《說好的幸福呢》嘅片段,仲留言話:「唉呦 原來你會唱」。Adrian隨即喺自己IG轉發,仲加咗個笑面emoji,多謝「周董」畀佢一個奇妙體驗。小妹睇返片段,當時Adrian唱得好專注入神,雖然可能有少少緊張,但同「周董」好夾,後面附近一班觀眾聽到揮動雙手,一面陶醉。

片段亦喺網上大熱,唔少網民都讚Adrian唱功了得;有網民仲講笑咁話,Adrian先係真嘅「周董(周大福執行董事)」!不過,亦有眼利嘅網民留言問:「(Adrian)同周董好似好friend?」

其實,早喺2021年6月,Adrian就同周董合作辦過藝術展,當時蘇富比拍賣行同K11集團曾聯手,為「JAY CHOU X SOTHEBY’S」拍賣舉行預展、所以兩個真係識咗幾耐,係推廣文化藝術嘅好夥伴!
Kelly Chu ■鄭志剛IG放出在中環海濱觀看周杰倫演唱會的相片。
■鄭志剛IG放出在中環海濱觀看周杰倫演唱會的相片。
鄭志剛
鄭志剛
更多文章