KellyChu - 環地中海賽法國站再創佳績何詩蓓奪一金一銀|Executive日記

本港體壇又有喜訊,香港「女飛魚」何詩蓓喺環地中海賽法國站奪一金一銀,其中50米自由泳仲打破自己保持咗兩年嘅香港紀錄,同時達巴黎奧運A標,連同上兩月達A嘅100、200同400米自由泳,佢已經手執4張奧運入場券,恭喜晒!
環地中海賽首站正喺法國展開,何詩蓓喺50米自由泳決賽中游出新香港紀錄24秒56,雖以0.54秒不敵世界紀錄保持者、瑞典偶像泳手絲祖唐,但仍獲得銀牌,同時達奧運A標。

而喺之後嘅200米自由泳決賽,何詩蓓就游出1分55秒42,以近3秒優勢,力壓比利時泳手Valentine Dumont奪得金牌。值得一提嘅係,何詩蓓今次200米嘅時間,比佢3月初喺美國TYR職業游泳系列賽達A嘅1分55秒53更快。

何詩蓓會喺當地周日轉戰100、400米自由泳同50米蛙泳,相信好大機會再奪獎牌!
Kelly Chu ■何詩蓓至今已手握四張奧運入場券。
■何詩蓓至今已手握四張奧運入場券。
更多文章