KellyChu - 「關繫.每個人」感人故事拍成短片 中電助讀寫障礙少年圓舞台夢|Executive日記

年輕人係社會嘅未來,中電深明挺年輕人,就係挺社會良好發展。患讀寫障礙嘅沙曜麟同學喺2018年加入中電計劃後,唔單止攞到獎學金,仲識到一班中電導師,協助佢搵到人生嘅新方向,克服自己先天不足,成為一個出色嘅話劇演員。沙同學嘅故事拍成短片,喺中電YouTube頻道播出,希望各位年輕人從中得到鼓舞,開啟自己生命嘅可能性!

今年中電以「關繫.每個⼈」為題,將系列真實感人故事拍成短片,系列第一集叫「演夢少年」,主角沙曜麟同學患有過度活躍症及讀寫障礙,加上係混血兒,從小樣貌同其他同學唔同,結果受到歧視。年幼嘅佢唔識控制情緒,好多時透過暴力解決問題。但自從2018年參加「中電新世代新動力獎勵計劃」,沙同學唔單止攞到獎學金,仲識咗一班中電導師,幫佢建立信心,重新確立人生方向,令佢相信自己努力,可以實現成為演員嘅夢想。

沙同學成功參演中電社區節能基金教育劇場《動力奇兵》,令佢體會到「只要落力做好自己,總有一日,我哋可以改變世界。」仲話:「o依家演戲係我嘅生命,亦係一份使命,我想透過話劇影響其他人」。Kelly睇完之後,覺得生命充滿可能,各位年輕人唔好輕易放棄呀!
Kelly Chu ■沙曜麟同學喺2018年加入中電計劃。
■沙曜麟同學喺2018年加入中電計劃。
更多文章