KellyChu - 港鐵「烏蠅頭」門椅成打卡點 工廈鐵道模型店尋寶|Executive日記

小妹又為鐵道迷帶嚟福音!想買全球各地最新款嘅鐵道火車模型,但唔熟門路?位於觀塘工廈嘅鐵道模型店Khaho一定唔會令各位失望,選擇多到眼花繚亂!呢間小店近月仲同港鐵合作,喺店內展出港鐵退役「烏蠅頭」部件,包括車門、車門指示燈、車廂座椅等,等各位鐵道迷打卡之餘,仲可以增加對「烏蠅頭」嘅認識!

如果想足不出戶都買到港鐵列車模型,就可以試下MTRe-Store,無論新款或退役款嘅港鐵列車模型都有,每款都係按照真實列車嘅陳設製成,另外仲有多款微型積木版嘅列車模型,同列車款式嘅玩具同文具,得意又實用!大家買完之後,仲可以喺金鐘站旅客服務自取,或選擇送貨上門,真係好方便!

鐵道模型世界真係多姿多采,唔怪得咁多人「入坑」啦!
Kelly Chu
更多文章