KellyChu - 踩鋼線世界紀錄保持者 「飛躍」西九藝術公園|Executive日記

剛過去嘅周末真係好熱,不過就算喺黃色工作暑熱警告下,法國編舞家Rachid Ouramdane精心炮製嘅大型戶外演出《飛躍人》,一樣喺西九藝術公園成功上演。創下多項世界紀錄嘅雜技人Nathan Paulin,首次來港表演踩鋼線,瀟灑自如嘅動作吸引大批市民圍觀。大家睇到滿頭大汗,依然全神貫注,好似一啲都唔覺熱!
29歲來自法國嘅Nathan Paulin,上周六聯同9位空中藝術家及極限運動員,喺西九藝術公園大草坪上表演《飛躍人》。呢套歷時約40分鐘嘅高難度動作,將極限運動結合舞蹈元素,配上Jean-Baptiste Julien創作嘅音樂,真係好精采。只見Nathan Paulin喺懸空十米嘅鋼線上行走,雖然好高,但神態自若,期間一度躺下同盤坐,瀟灑自如,唔怪得大批市民睇到眼定定。

其實Nathan Paulin早喺2011年起踩鋼線,之後打破多項世界紀錄。佢過去就喺法國、意大利、巴西等地表演,例如試過喺巴黎鐵塔高空走鋼索。而去年5月,佢就喺法國聖米歇爾山完成2240米嘅踩鋼線,係佢目前踩過嘅最長距離。
Kelly Chu ■表演吸引大批市民圍觀。
■表演吸引大批市民圍觀。
更多文章