KellyChu - 亞洲首間拿度網球中心喜訊 名錶挺港培育網球明日之星|Executive日記

香港高爾夫球及網球學院(HKGTA)宣佈,瑞士製錶品牌Richard Mille,會成為學院內亞洲首間拿度網球中心(RNTC)嘅官方贊助商,除咗優化學院內嘅室內Plexipave網球場,仲贊助支持「Building A Champion」獎學金計劃。呢個計劃至今成就本港唔少優秀嘅年輕網球手,相信日後一定有更多明日之星出現!

Richard Mille今次除咗成為學院內拿度網球中心嘅官方贊助商,仲會優化室內Plexipave網球場(日後將命名為「Richard Mille室內網球場」)。
獎學金計劃培育年輕球手

Richard Mille亦會向HKGTA慈善基金提供財政贊助,重點支持學院與拿度網球中心合辦嘅「Building A Champion」獎學金計劃。

呢個獎學金計劃去年10月啟動,通過西班牙拿度網球學校獨特嘅訓練方法,成就本港唔少優秀嘅年輕網球手。例如獎金獲得者譚善恆,喺多個本地賽事獲得佳績,今年全港青少年網球錦標賽,就贏得U16雙打冠軍;另一位獎學金得主黎清嵐,亦贏得今年全港青少年網球錦標賽U16女子單打冠軍。
Kelly Chu ■獎學金得主黎清嵐在本地賽事獲得佳績。
■獎學金得主黎清嵐在本地賽事獲得佳績。
■獎學金得主譚善恆在本地賽事獲得佳績。
■獎學金得主譚善恆在本地賽事獲得佳績。
更多文章