KellyChu - 警隊2名實習生擔大旗做創作舵手 素描警隊建築物月曆奪國際設計金獎|Executive日記

最新一期《警聲》出版咗喇!今期焦點之一,係兩位二十出頭嘅警隊實習生,早前被委以重任,「擔大旗」設計警隊月曆,結果勇奪今年國際年度設計大獎金獎。Kelly覺得呢本月曆上嘅警隊建築物素描真係好靚,攞獎實至名歸!
仔細觀察 畫出神髓

表揚全球傑出宣傳品嘅國際年度設計大獎「ASTRID Awards 2023」四月公佈得獎名單,警隊獲得八個獎項,其中公共關係部獲兩金、兩銀、兩銅同一個榮譽獎項,警察學院亦獲一個榮譽獎項,成績斐然!最值得注意係金獎作品「2023月曆─警隊建築物」,因為背後創作舵手,係兩位二十出頭嘅警隊暑期實習生Victoria同Karen。

《警聲》報道話,呢兩位女生去年六至八月到公共關係部實習,期間被委以重任,負責設計部門月曆,收集意見後,決定以警隊建築物為設計主題,並嚴選包括麥景陶碉堡等十二幢富歷史性嘅警隊建築物,對應十二個月份,並用電腦繪畫建築外觀。喺海外大學修讀社交媒體設計嘅Victoria就分享話,畫前水警總部「1881」同舊油麻地警署嘅難度最高,要多次到場勘察,先保證畫得出神髓!另外,月曆設計都好有心思,例如建築物名稱以田字格同手寫字體展示,顯示中國特色等。

就快大學畢業嘅Victoria形容,好意外可以獲得國際設計金獎,佢衷心感謝公共關係部畀實習生掌舵嘅機會,同時亦畀好多創作自由佢哋,希望市民可以透過作品,加深對香港警隊歷史建築嘅理解!
Kelly Chu ■實習期間,Victoria(右一)與另一實習生和公共關係部人員討論月曆設計主題。
■實習期間,Victoria(右一)與另一實習生和公共關係部人員討論月曆設計主題。
■月曆頂部印有香港地標建築,方便用家轉換頁面,兩側由警察總部外形的咭紙承托,設計滿載心思。
■月曆頂部印有香港地標建築,方便用家轉換頁面,兩側由警察總部外形的咭紙承托,設計滿載心思。
更多文章