KellyChu - 有望成灣區「氫經濟」引擎 大學初創獲煤氣公司戰略投資|Executive日記

新能源對未來發展好重要,呢項技術近日就有新突破!理工大學夥拍深圳大學成立初創公司,研發出新一代固態製氫氣系統,成本大減之餘,效能仲提升一成多,現時已獲煤氣公司集團戰略投資,幫助加快落地同量產,有望成大灣區嘅「氫經濟」引擎!
能源比賽勇獲銅獎

初創團隊今年3月喺煤氣公司同國家電投聯合主辦嘅第二屆「TERA-Award 智慧能源創新大賽」中,獲得銅獎;之後就同煤氣公司集團旗下港華能源研究院簽訂戰略合作,成為研究院前期孵化項目,幫助加快落地同量產。

帶領團隊嘅深圳大學土木與交通工程學院助理教授陳彬就話,依家每立方氫嘅生產成本約3元,但固態氫氣系統可降至1.6元,原因係原材料未採用貴金屬,可以降低成本。團隊目標係兩年內做到製氫系統大規模量產,壽命達過萬小時,成本降低三分之一。陳教授又話,港華能源研究院除咗提供資金,仲提供光伏電站等設備,形容幫忙好大,一定可以加快產品落地!
Kelly Chu ■理工大學夥深圳大學研固態製氫氣系統。
■理工大學夥深圳大學研固態製氫氣系統。
更多文章