KellyChu - 金鐘站天窗變鴨頭與「真身」相望 橡皮鴨 「入侵」 港鐵車站｜Executive日記
KellyChu
2023-06-02 00:00
字體大小
《橡皮鴨二重暢》6月10日起會喺維港中西區海濱長廊（中環段）展出，不過知大家心急，兩隻黃鴨昨日就提早行入多個港鐵車站，提早同大家見面。其中離展覽最近嘅金鐘站，E出口已經變成圓圓扁扁嘅黃鴨頭！
金鐘站E出口昨日已化身「橡皮鴨出口」， 6米高24.5米闊嘅巨型半圓玻璃天窗，變咗圓圓扁扁嘅鴨頭，充滿好奇同與維港上暢遊嘅「真身」遙遙相望，大家都一樣咁cute！而喺嗰度行去展覽，只要5分鐘，真係好方便。
同時，金鐘站內多個地方，已經全方位貼滿橡皮鴨圖案，站內站外都係打卡位！
而喺香港站，就有一個大型數碼全景互動屏幕，上面有一隻巨型橡皮鴨搖搖晃晃游嚟游去，屏幕不時落下鴨仔，透過感應裝置碰到乘客頭部，會彈出充滿正能量嘅心形圖案，打工仔再忙，路過見到都忍唔住睇多幾眼！
香港特色造型亮相
另外，橡皮鴨仲會以香港地道特色造型，陸續喺另外22個車站同大家見面，包括中環站、紅磡站、九龍塘站、銅鑼灣站、尖沙咀站、旺角站等，真係前前後後左左右右總有一隻喺你附近！
Kelly Chu
■金鐘站內多個地方，已經全方位貼滿橡皮鴨圖案，站內站外都係打卡位！
金鐘站E出口昨日已化身「橡皮鴨出口」， 6米高24.5米闊嘅巨型半圓玻璃天窗，變咗圓圓扁扁嘅鴨頭，充滿好奇同與維港上暢遊嘅「真身」遙遙相望，大家都一樣咁cute！而喺嗰度行去展覽，只要5分鐘，真係好方便。
同時，金鐘站內多個地方，已經全方位貼滿橡皮鴨圖案，站內站外都係打卡位！
而喺香港站，就有一個大型數碼全景互動屏幕，上面有一隻巨型橡皮鴨搖搖晃晃游嚟游去，屏幕不時落下鴨仔，透過感應裝置碰到乘客頭部，會彈出充滿正能量嘅心形圖案，打工仔再忙，路過見到都忍唔住睇多幾眼！
香港特色造型亮相
另外，橡皮鴨仲會以香港地道特色造型，陸續喺另外22個車站同大家見面，包括中環站、紅磡站、九龍塘站、銅鑼灣站、尖沙咀站、旺角站等，真係前前後後左左右右總有一隻喺你附近！
Kelly Chu
更多文章
