任睇No.1
  • 28º
  • 86%
  • 2022年7月7日 星期四

Executive日記——港逾百同學仔連線互動 「天宮」首次授課 王亞平︰在太空也會發夢!

  資訊科技發達,一部手機在手,就可以接通中國太空人,昨日好多人參加「天宮課堂」嘅第一課!神舟十三號太空人翟志剛、王亞平、葉光富喺太空上授課。喺香港,大圍培僑書院就有過百名同學仔參加。有同學好奇佢哋喺太空點樣瞓覺,會唔會發夢。女太空人王亞平回答話,佢哋要爬入睡袋瞓,雖然同喺地球瞓覺一樣會發夢,但反而覺得瞓醒後,望到自己留喺太空,更似一場夢!
  時隔八年,中國太空人再次做太空授課,亦是中國空間站進行首次授課活動。活動以「天地互動」方式進行,喺中國科技館設置地面主課堂,又喺香港大圍培僑書院、澳門、廣西南寧和四川汶川設分課堂,逾一千四百個中小學生參加,與中國空間站進行連線互動。
  授課中,王亞平展示中國空間站嘅工作生活場景,例如示範使用太空跑步機等,葉光富亦演示失重環境下細胞生長發育研究,三位太空人亦合力進行展現各種神奇現象,如液體表面張力、物體運動等,並講解當中嘅科學原理。
  其後,三位太空人又耐心回答小朋友嘅問題,例如王亞平分享話,佢哋每日可以睇到十六次日出,因為佢哋每九十分鐘就可以繞地球一周。亦有小朋友好奇,飛上太空同玩過山車,邊個刺激啲,翟志剛好肯定咁話,上太空刺激好多呀!
Kelly Chu■太空人展現各種神奇現象。視頻截圖
■太空人展現各種神奇現象。視頻截圖

hd