「莎莎國際」主席郭少明和郭羅桂珍的細仔郭浩泉（Patrick），早前與經營開裁縫生意的陳熙文（Hayman），合資逾百萬在中環開設西裝專門店「DERBY」。由籌備至開業花了大半年時間，Patrick主要負責管理、會計和巿場推廣工作，更經常巡舖。首次做生意的他覺得困難重重，試過一日冇生意心情就跌至谷底，他表示要學懂放鬆心情去面對，創業難守業更難，不過他有信心一年半可以回本。
Patrick對於父母能創業和白手興家表現得很嚮往，他知道零售業非常難做，但卻勇於挑戰，於是幾乎用盡積蓄開舖。他稱讀中學時開始着西裝，其後慢慢愛上，因香港很少有價格約3、4千蚊的西裝，他覺得有巿場值得一試。首次做生意，他覺得困難重重，由搵舖、諗Logo、影相放上網宣傳，甚至舉行開幕禮請嘉賓都唔容易。有時他與拍檔仲會有拗撬，他笑言：「放工去飲杯酒、鋤吓Dee就冇事。」不過他最唔開心試過一日冇生意，他的心情即跌至谷底，所以他稱要學懂怎樣調節和放鬆。
父親質疑唔識做生意
問Patrick有否問父母意見？他坦言：「父母最初都唔贊成我開舖，想我返公司幫手，但我覺得成功創業會有好大嘅滿足感，所以想試吓！」開業至今，生意都不錯，試過一個月賺幾十萬，不過爸爸反問：「一千呎舖得幾十萬生意，識唔識做生意㗎？媽咪就叫我擺啲護膚品出嚟賣。」他稱大家做生意手法不同，很多時他只能跟拍檔分擔，慶幸Hayman是個正面的人，他們會分工合作，Patrick負責管理、會計和巿場推廣，而Hayman就負責production，嚟緊他們想用西裝料做唐裝，Patrick坦言自己諗頭多，希望帶多點驚喜給顧客。
採訪：李佩儀
;){kind=link}
;){kind=link}
;){kind=link}
;){kind=link}
;){kind=link}
;){kind=link}