時裝設計師Ranee K早前與兩名好友合資7位數在銅鑼灣開設「一登龍門」京川滬私房菜館。做開時裝店和Art工作的她，因為首次做飲食生意，故凡事都親力親為，除了每朝去街市買新鮮食材、日日返菜館巡舖外，若構思到新菜式，還會親自去廚房煮來試食。她稱菜館雖主攻辛辣食物，但仍會有唔辣菜式和素菜，適合一家大細享用。
Ranee坦言從未想過開菜館，有次約了其中一位拍檔Ann去食飯，Ann講開與好友Liza正準備接手一間私房菜館來做，於是Ranee陪她們去看看，她覺得有得做，便決定夾埋一份。她們由籌備到重新開張只用了24日時間，「好在我哋識好多朋友，即時搵人裝修，仲好快咁搵到廚師㖭。」問她們怎樣分工時，原來Liza主要負責會計和marketing，至於Ranee和Ann幾乎每日都會巡舖，Ranee更會到街市買新鮮食材，然後返菜館煮來試食。
除了原有菜式，她們還加入了很多新菜式，「呢個就係開菜館好玩嘅地方，你可以自創唔同嘅菜式加入menu。」問她們有甚麼菜式值得推介，愛吃辣的Liza鍾意麻辣棒棒雞，而愛食素的Ann力Sell秋葵淮山蓉，而Ranee就覺得她自創的法國鵝油黑松露鵝件好好味。三人最鍾意一齊試菜，邊食邊傾最開心，而她們覺得最大困難是首次做飲食生意，是一個很大的挑戰，幸好私房菜開了兩個多月，差唔多每晚都爆滿，她們期望一年內可以回本。
撰文：李佩儀 攝影：李維隆
;){kind=link}
;){kind=link}
;){kind=link}
;){kind=link}
;){kind=link}
;){kind=link}