專欄

賽馬韋論——巨額三T齊齊度

賽馬韋論 - 韋少 2021-05-22 列印

　　三T今次有二千一百多萬多寶，十元一注命中有三千八百萬，今期一於繼續研究下三T。

　　頭關四班二千米，非常混亂欠重心。上周頭關直路賽與友人夾份，以八匹複式下注，睇怕今次也要照辦煮碗再來一次，特別有兩匹冷門提出來度一度，是同樣出自656場次的「叻蝦皇」及「湛江最醒」。前駒上仗在波仔胯下試馬味濃，沿途三疊望空不上不落得第六，前置馬最後潰散包辦尾四位，反映牠演出不算太差，同主成員有份之團體馬「神之水滴」選在同日初出，提防是配合而來！「湛江最醒」直路由中內疊移出大外疊衝刺，末段竟有餘勢，評分新低提防在二檔慳位下追入一席！

　　次關冷門留意「日日夠」。此駒上仗三疊蝕位及前仗泥地皆可抹去，反觀五二一場次奪季，敗於再贏之「幸運精選」及「超速」誠是好賽績。今次主要對手大多排外檔有機會蝕位，如地快不利追的話，本身排一檔是相當有利。

尾關繼續排一檔之「紀利雄星」應是穩膽之材，賽績顯示休後次仗最好，也一再證明快地特佳。配腳必拖上仗蝕三疊之「長長友」及混吉之「金莊令」。

韋少