貓私語——你又曬我又曬

  近來真的熱到爆炸,日日三十多度高溫。專家話吸收陽光可以抗疫,這幾天日光正猛,除了自己曬,也拿出牀單、毛公仔等少見光的物件出來,吸收紫外線殺菌,晒一會已經熱到辣手,Mo仔卻完全唔怕,爭取時機博命曬。

  佢曬得十分滋陰,先曬左面,十五分鐘後轉右面,之後打開肚皮再曬,一曬兩、三小時一動不動,瞓到好似昏迷咗咁。摸摸牠的身體,是熱到辣手的。一直曬到日落西山,太陽威力減退,牠才施施然起來,日日如是。

  所以,如果要度量抗疫指數的話,Mo仔應該排第一位。

關慧玲


hd