Happy Life——為食番茄與大力榴槤

  寵物龜有分陸龜和水龜,今天同大家見面嘅番茄和榴槤是豹紋陸龜,又名豹龜,屬於草食性龜龜。主人阿安帶兩位龜朋友來拍攝時,同時帶備了很多新鮮蔬菜餵飼牠們,看見牠們食得開心嘅樣子,令人心情都暢快起來。阿安自小有養龜經驗,現已為人父的他,近年又再次飼養龜龜。點解要選擇養龜,而唔係貓狗呢?「龜夠長命呀!」的而且確,豹紋陸龜通常有80歲至100歲壽命,至於水龜如巴西龜,也有20歲至30歲壽命。除了長壽外,小朋友照顧龜龜亦相對其他大型寵物較為容易,養龜對培養阿安兩個囡囡的責任感有一定幫助。

  豹龜是世界上第四大陸龜龜種,典型的成龜體長可達18英吋(460毫米),體重40磅(18公斤),龜背甲高圓頂,且有隆背情況。皮膚顏色通常是奶油黃色,背甲標有黑色斑點及黑色條紋,每一隻龜也有其獨特的斑紋。榴槤和番茄分別是兩歲和兩歲半,肉眼看體長暫時未有18英吋,我抱起過牠們,肯定體重未達40磅,不過佢哋四肢好有力,尤其是後腿,我抱起榴槤時牠被聲音嚇倒,後腿一縮連帶我手指尾一齊夾住,嘩,當時真係好痛,好彩榴槤好快放鬆腳!我問阿安:「明明榴槤和番茄年紀相差只有半年,但番茄會大隻咁多?」「哈哈,因為佢大食囉,番茄好鍾意食嘢,反而榴槤就細食得多!」(訪問影片:請留意Headlife fb專頁及頭條PopNews)

文:Meimei

圖:陳鐵剛、受訪者提供



【寵愛有家】 乖巧小Kotton

  長有一身迷人黑白斑點的Kotton是個活潑好動的孩子,比同齡狗狗更乖巧,而且非常友善,適合所有家庭領養。Kotton年紀雖小,聰穎的牠已經懂得簡單的服從指令。你願意成為Kotton永遠的家人和朋友,陪伴牠成長嗎?

#唐狗 #雌性 #3個月 #領養編號475302 #領養熱線2232 5529 #SPCA

陳紀良 Meimei

hd