甘美人生——天后與西西里

  前年遊拿坡里,行程緊逼,與一海之隔的西西里緣慳一面。原本打算今年尋訪這個美麗小島,可惜受疫情阻隔。或許如此,一聽見有一家概念源自西西里的新餐廳,就急不及待去試。Etna(西西里一座火山),位於天后樓上店,精選地中海海鮮入饌,甫開張,晚晚滿座。先來一杯prosecco,refresh自己,小食有驚喜,炸大啡菇、秀珍菇配火山醬汁,菇輕醃過,撒麵粉油炸,配自家製火山醬汁,菇味幽香,火山醬汁由烤茄子和番茄醬混調而成,色澤鮮紅,微辣,令人火花怒放。炸鮮魷、岩蝦、羽衣甘藍、鼠尾草葉配辣蒜蓉蛋黃醬,以高溫炸鮮魷和蝦,外脆內嫰,彈牙香口,配上辣蒜蓉蛋黃醬,酥化又鮮甜,送酒一流。

  頭盤精采,生吞拿魚薄片、煙燻雅枝竹配芥末油和紅椒汁,新鮮吞拿魚切成薄片,飾以煙熏雅枝竹,連同牛油果蓉等配菜,加入芥末油,魚味齒頰留香。洪堡大魷魚配酸菜和蕃紅花洋葱,選用美洲大赤魷,切薄烤熟,綴以柚子檸檬醋汁,從未試過魷魚口感如此輕柔,調味一絕,既凸出魷魚的清甜,復來多重滋味。

  肉食有烤伊比利亞豬扒——葡萄、小麥Farro、蜂蜜、黑醋,以及美國Brandt Tri-tip牛扒、牛至、番茄、椰棗,烤功無得彈,調味也匠心獨運。輪到飯麵,24K金箔蕃紅花燴飯配羊奶芝士,高貴、惹味,是這裏的名食,必點;軟殼蟹Puttanesca手工寬麵、Gochujang辣椒糖漿,蟹肉絲掛麵,一吃難忘。Etna是火山,我偏向火山行,一定再來。

林月庭


hd