任睇No.1
  • 28º
  • 86%
  • 2022年7月7日 星期四

講是非|春光明媚還去那裏 - 鄧達智

「春有百花秋有月,夏有涼水冬有雪」跟「到處楊梅一樣花,天下烏鴉一樣黑」,異曲同工,解讀着月圓月缺,日出日落。

老友本健體勞模,年多前,身體接連出大狀況,無奈提早退休。咱們屬既來之則安之族群:有工返工、冇工玩樂、有鑊識補、難啃隨緣、友朋重之、無朋自重、能不求人、自求多福……一叠連聲助右銘並非雞肋裝飾品,實實在在每日力行;fb上載鋪文至能反映:花開葉紅日落吃喝……啊,還有談戀愛,關心環境惡化人人温飽有書讀(都無需過多,老人家舊時常提點:子弟書讀得多並不一定好事,如非讀懵人,就係讀奸人,邊度有咁多明白事理!)

無力心懷天下大事,一介蟻民自豪的不過比一般人走多幾里路,去多幾個國度,遇過好人好事,洞悉丁點人面世事,吃過世上人民家常菜,分得出好酒與冇咁好嘅酒而已。攢花戴紅行船爭解纜偽善就睇得多,細細個讀通勝《增廣賢文》從不明解「山中有直樹,世上無直人」,到今天比不明解更升呢:愈見糊塗!

「春花秋月夏水冬陽」至實際……哈,留低咗我老友喺上面O添;清晨時份痾完尿,返上牀典嚟典去,不如跟老友網上對談到天明,好些道理梳順,大太陽出來讓嘴角微笑,總算有益身心。

今朝話題「避疫走路」,話說高薪養殘(香港曾自我感覺優越:「高薪養廉」,可惜物轉星移),不作為厚祿高官,抗疫抗出大頭佛,不少「好X鍾意」香港但鄉下喺日、台、星馬泰、澳紐、英美、歐陸(除咗俄羅斯)……(始終冇人認同非洲、中東同南亞)嘅唔知乜嘢人,第一時間現身香港機場,打卡宣告:睇吓「你哋」個機場幾慘?空空如也!忘記佢自己影緊相?定係搞錯佢自己係鬼?「嗱嗱臨飛曼谷避難先,遲啲等香港疫情好返至再算……」世上賤人莫過於此;烏克蘭人不會、台灣人不會、日本人更不會!都係同類鎮日口頭禪香港咁、咁、咁嘅X街;有冇人回心諗吓;試吓去英國、去日本謀生,可有幾人發達,托賴香港市場多年好揾好賺,造就條件「呢度係鄉下嗰度係鄉下」等自我水鬼升城隍優越感嘅丁點回饋?

曾幾何時,意大利、泰國、美國、英國……接連爆疫,好些地方屍橫遍野;你哋當時唔好返去鄉下?回港機票炒高多少倍?隔離酒店一房爭崩頭,不是失憶吧?對一個地方、親人、愛人、朋友甚至愛犬不離不棄的做人至基本信念何去?何從?香港人真的車毁人亡去到這地步?
鄧達智

hd