任睇No.1
  • 29º
  • 79%
  • 2022年8月18日 星期四

鄧達智 - 天星看海的日子|講是非

香港四點一級地震那夜,睡眠質素極佳。

次晨社交平台上港人如臨大敵,奔走相告,只欠呼天搶地,有人相信地震事出非突然,古代必有帝王駕崩!

吓!咁部份港人嘅鄉下—日本,多幾個日皇都唔夠崩,但日本皇室人丁愈演愈單薄,又成日地震咁點算?

杞人憂天,在下照常晨早啡一啡,於無人山道除口罩,跟晨光薄霧無阻擋打個招呼行山如儀。四點一級地震嚇我唔窒,但天星小輪告急的傳言倒叫我心焦如焚!

難以置信,交通三寶:電車、登山纜車及天星小輪,伴隨港人並百方來客等百年老店,疫下早非單單「嚴重」得以解釋如何摧殘我城底的情況下,天星小輪竟告急?

消息傅到耳窩,WON⋯⋯的一聲,默然靜坐落地窗旁,望天際昏黃日落,至夜空換過Magic而軀體姿態不動;心口好想吆喝喊聲「哇!」,更想飛車到天星碼頭,上船不落,來回穿梭十次八次,回味自童年、少年,外邊上課青年歸來,再而不斷僑居、外遊的壯年;得空調適身心第一絕招:坐天星小輪於港內Z路線移動從一個碼頭到另一個碼頭,從下午到至愛黃昏到星星月亮與霓虹燈同亮,那功能,比臨牀心理學調教更得法。

但願吉船天相,唯望與我們共成長天星小輪定有明天,不會被疫情打殘。保衞天星,大家請搭渡海輪。亦舒多年前大概這樣寫:未落實移民,就是想想離港已經悲從中來⋯⋯

想都沒想過,一直認定共香港、共港人天長地久的交通三寶,以為一直行走於「風平浪靜福地港」的天星小輪無半分懸念,永永遠遠。
  並不,稍一不慎;猶如香港今天的一切,瞬息萬變,何等脆弱!

港股跌至未至最低,只有更低。有關部門成功幫港人清零:荷包與信心。捱苦兩年被圈禁,通關在望,原來至實際、至貼地嘅符弗竟然係特區政府終極轉彎抹角之後,與歐、美、新加坡睇齊,成功與病毒共存。

屈穎妍講得極對:港府有關部門與抗疫專家過去兩年所作所為,無非「幫緊你!幫緊你!」他們信奉的抗疫英雄原來係Boris Johnson,幾乎Day One已高喊:與病毒共存,確診當感冒,長者與長期病患死亡率高,屬物競天擇,大自然定律。

原來如此,明白!
鄧達智

hd