任睇No.1
  • 19º
  • 72%
  • 2023年2月4日 星期六

鄧達智 - 水世界定「膠花門」?|講是非

海洋公園?Water World?水世界?還是老老土土叫番呢個耗資計算不來多少個億打造嘅「水上樂園」?執機打稿忽覺大鑊,未知用那一個名字去稱呼去年才啟用,海洋公園新建部份!

如果用「海洋公園」,肯定重疊舊部份;那天乘的士入場,跟司機哥哥糾纏好幾分鐘,始讓他弄清楚目的地不是港鐵「海洋公園」旁的舊時部份。說Fullerton酒店,太新No Idea,最後說「⋯⋯深灣遊艇會向前去⋯⋯」

總算搞清楚,開業滿周年,宣傳費不菲,但的士司機搞唔清楚,用家的巿民被海洋公園?Water World?水世界?弄得暈頭轉向,基本一個統稱未入屋,未溜進大家口語字典,咪話巿民無知。

海洋公園新建部份未開幕,鄧某有幸先睹為快,從舊園區海洋生物保育工程,到正值盛放的櫻花,面向南丫島無敵海景新建部份的超級驚恐衝浪漂流,巨型人造海浪拍打室內室外雙泳池,以及新加坡高級酒店品牌,在下多年前曾入住並高度讚賞Fullerton⋯⋯無限憧憬!

並非公關行為,純粹慕名兼撐本港建設而來,利用中秋節長周末入住Fullerton,兼戲水玩命有驚無險考你心臟狀況一應遊戲。

結論:好Mixed,還差一步、兩步、兩點半步臻完美,可恨係差咗嗰幾步!

可惜Fullerton撞邪,中咗「膠花門」,入住前,有遊遍天下港友提醒:酒店範圍幾乎所有樹呀、花呀⋯⋯含膠量強,滿目膠花!

唔係嘛!Fullerton喎⋯⋯矜貴近乎無懈可擊新加坡原郵政總局百年舊廈改裝Fullerton不過二十多年歷史,爭得香港真正百年半島酒店貼近的榮耀。

落户香港,竟滿目膠樹膠花?剛好中秋節,處處掛起春節才應上場大紅燈籠猶如東莞、梅州、周莊⋯⋯燈籠重優雅,才得配合Fullerton品味!

這方落差不可原諒!

從酒店步行到Water World如入無人之境,幾分鐘路程滿目閒花野草,亂雜無章,投閒致散,無任何設計,兩個重量級景點猶如毫無關係,巿民的不怪罪管理階層Management,難度指責花草多情播種擴散?
鄧達智

hd