雄深雅健——資訊未必有營養

  活在資訊年代,資訊成為你我生活,不可或缺一部份,身邊唔少朋友,甘願被資訊牽着走,不求證,更懶做獨立分析、思考。

  身為馬迷,無論透過馬經、YOUTUBE等接收資訊、資料,多到你亂,自己唔去篩選,揀睇自己信得過專欄、頻道,好易被引導或誤導。

  上周,幾乎全世界都話,田泰安周三晚會反彈,愈吹愈大,結果變成騎師王大熱,講到似層層,結果一W都無。

  還有更好笑,開季只跑兩、三次,就有人話田泰安,有望壓過莫雷拉或潘頓,由三哥變二哥;贏多人幾場,就有人話,方嘉柏想爭冠軍,講出來,無話邊個同佢講?既非方嘉柏,根本唔知係乜水!這等無營養資訊,睇得多,點會對你有益!睇完、聽完得啖笑就好,玩馬還是要堅持基本原則。

子健

hd