「打邊爐家族」、「退休飯聚」陸續出現確診個案，衞生防護中心呼籲市民避免聚餐，望可以減少人與人接觸，從而降低社區傳播風險。這段時間不少人既要在家中緊守崗位，又要安排一日三餐，為了「貪方便」或想「慳時間」，即食麵和罐頭食物變得暢銷，但多食必定「壞肚皮」。
即食麵或罐頭食物多屬高脂高鈉食物，對心血管疾病必有負面影響！加上「瘋城」狀況下，連廁紙供應也擔心！若然身心俱疲下加上失衡飲食容易導致腸胃不適。有人因感到胸口或胃部經常痛誤以為患上情緒病，經醫生診斷其實是因近期食無定時加高脂飲食導致胃酸倒流作怪！要維持精采「家中煮意」其實不困難。
簡單早餐可選擇即食麥皮拌黑芝麻粉奇亞籽加豆漿或芝士番茄烘底三文治。午餐簡單一個湯米粉，拌以紫菜豆腐蝦仁或洋蔥三色椒煎雞扒均屬快靚正之選。平日在辦公室很難加入水果作下午茶，現在家工作吃個蘋果完全冇難度。定期補充水份，可自製青檸鮮果梳打、綠茶脫脂奶等。晚餐可自製中式蒸肉餅炒菜、西式蒜香草意式蜆肉意粉雜菜湯、日式窩蛋牛肉豆腐大根紹菜「砂煲」、韓式芽菜肉絲炒粉絲。不忘將自己菜式傳給群組的家人朋友作「網上聚餐」互相交流。雖然面對面嘅接觸減少了，但仍可保持人與人之間的分享，互相提醒，均衡飲食補充足夠營養素都係防疫抗疫其中一環！
陳紫敏 （ Heidi Chan）
美國註冊營養師/美國認可老人科專科營養師
香港營養師協會 正式會員
陳紫敏
;){kind=link}
;){kind=link}
;){kind=link}
;){kind=link}
;){kind=link}
;){kind=link}