Chok王心得｜兩大高手 糖衣毒藥 - 洪禮賢
洪禮賢
2022-02-28 00:00
字體大小
昨日沙田日賽，儘管潘頓後上成為騎師王，但上半場無W到手，難免令人失望；莫雷拉更加失準，騎足十場，僅得一亞一季。尚記得賽前一晚，莫、潘二人共有八隻馬係大熱門，受到各方睇好，偏偏賽果唔係大眾所估計。但賽馬往往就是這樣的，眾人焦點或類似一加一等於二的橋段，通常都唔係經常發生。
以事後眼光觀之，莫雷拉刑滿復出係一個「陷阱」。無可否認，昨日他胯下甚多惡馬，頭幾場便有「火鑽」、「西利哥」、「勝得出色」等駒，只可惜當中僅得一匹能夠躋身前三名，服未？
另外，潘頓剛於周三大發神威，斬下四場頭馬，來到周日又有一堆餐士馬在手，例如「美活人生」、「風繼續吹」、「同舟共濟」、「東方飛影」等，最終一一贏唔到。好明顯上述二人這日成績與大眾期望有很大落差，撇開馬匹實力、際遇或發揮問題，有時贏唔到馬係無得強求。因此，事前不宜太理想化，先抱壞打算，反而係好事，好過輸完一隻又一隻熱門都唔知係咩原因。賭錢博錢，梗係避開佢兩個為妙。
洪禮賢
以事後眼光觀之，莫雷拉刑滿復出係一個「陷阱」。無可否認，昨日他胯下甚多惡馬，頭幾場便有「火鑽」、「西利哥」、「勝得出色」等駒，只可惜當中僅得一匹能夠躋身前三名，服未？
另外，潘頓剛於周三大發神威，斬下四場頭馬，來到周日又有一堆餐士馬在手，例如「美活人生」、「風繼續吹」、「同舟共濟」、「東方飛影」等，最終一一贏唔到。好明顯上述二人這日成績與大眾期望有很大落差，撇開馬匹實力、際遇或發揮問題，有時贏唔到馬係無得強求。因此，事前不宜太理想化，先抱壞打算，反而係好事，好過輸完一隻又一隻熱門都唔知係咩原因。賭錢博錢，梗係避開佢兩個為妙。
洪禮賢
最Hit
更多文章
