洪禮賢 - 無馬跑不堪設想|Chok王心得

  近日本地疫情緩和,政府放寬了社交距離措施,馬會隨之於上周四重開投注站,非賽馬日由中午十二時至下午六時開放,賽馬日則不會開放,而投注站提供投注戶口提存、兌換現金券或中獎彩票及投注戶口管理服務,但不會提供投注服務及自助售票機服務,也不會於場內顯示賠率及投注資訊。
  雖然唔係全面開放,最起碼有得入錢,須知道,唔係個個懂得轉數快或者網上理財,早陣子投注站不得其門而入,可能當時有部份馬友為入錢而煩惱,此際既已放寬,暫時唔使再為入錢、攞錢等問題頭痕。
  Chok王已多次讚過馬會,在防疫措施方面做到好足。試想想,假如馬會求求其其,監管唔夠嚴,採取自由放任政策,任由病毒在沙田、跑馬地馬場大爆發,最終暫停賽事的話,後果不堪設想。先唔好講無馬跑有幾悶、點樣過日子;假如不幸停賽,業內從業員差不多個個紮炮!講馬佬無馬講、寫稿佬無稿寫、出版社無嘢出等等,影響之巨,不難想像。
洪禮賢
更多文章