任睇No.1
  • 29º
  • 82%
  • 2022年7月3日 星期日

洪禮賢 - 季尾冷W 多如大熱|Chok王心得

踏入夏天,雨季已至。跑馬先嚟落雨,有辣有唔辣。最顯淺道理,賽前有雨,跑道不多灑水,場地模式比較連貫。反而比賽途中下雨,時大時細,或者雨勢彈出彈入,場地模式較難猜透。
於我而言,若果估不到賽事形勢,或看不清前路,忍手與減注是最佳策略。須知道,一季流流長,不計海外轉播賽,本地賽期多達八十八次,即有超過八百場賽事任君選擇。是否急到瀨,唔買唔安樂,一定要在某一期押注呢?非也。何況,尚餘十多個賽日便告歇暑,太心急博錢,隨時帶來反效果耶!
翻看賽事紀錄,不計昨日賽事的話,由四月一日至上周三跑過一百三十四場,大熱門表面上成績幾好,錄得三十七冠二十亞二十四季,上名率剛好六成。然而,大熱W佔總數約四分之一而已,但見這段期間,十倍或以上頭馬多達三十五隻!換言之,冷W數目與大熱W不相伯仲,從而可知季尾時份堅係幾難搞。
洪禮賢

hd