洪禮賢 - 劇力萬鈞 卻莫投入 |Chok王心得

依稀記得在賓康、許怡、大摩的年代,有個馬季,後兩者爭冠軍要爭到最後一日,許怡本來領先一場,大摩卻在煞科日贏出「常山至寶」,結果打成平手,雙雙登上冠軍寶座。其實在煞科日,以至之前的三幾個賽日,馬迷如我都曾議論紛紛,「吖,許怡會唔會喺煞科日執多一兩場、大摩最後一日贏到幾多W」等等話題,至於劇情發展到最後,原來是皆大歡喜囉!
  上述情況與今季冠軍騎練之爭,略有不同,卻又大同小異,點解Chok王有此睇法?原因好簡單,看看近兩期莫雷拉與潘頓的頭馬增長速度,便知發生甚麼一回事。雷神於對上兩期共策十六駒,僅贏出「新力高升」;潘頓更加「厲害」,近兩個賽日的十八駒「無一倖免」,只交出六場P。光是這兩天,二人輸W的金額,條數好襟計!
  究竟最後邊個係Winner?我無水晶球,不會預知未來,純粹個人感覺則揀潘頓。但最想帶出的是,不管是否爭崩頭,劇力有幾緊張,局外人不用太投入,免得左右自己思想,常常以爭冠軍作為捧場原因,結果自招損失,何必呢!
洪禮賢
更多文章