洪禮賢 - 谷賽大熱 贏得唔少|Chok王心得

  由去年九月八日谷草首輪賽事開始,直到今年七月十三日為止,一共跑過了三百四十七場谷草賽事,原來大熱W唔算贏得少,約佔總數三分一,共有一百一十五場由大熱門獲勝;換言之,差不多係逢三進一,每跑三場谷草賽事,便會贏到一隻大熱。至於十元一注長捧大熱門獨贏的話,最終保唔保到本呢?個人無意深究。
  另一方面,去季谷草大冷W唔係特別多,勝出賠率超過三十倍及以上有十駒,順序為「御風超影」、「星耀王者」、「狂舞派」、「電路七號」、「平常心」、「萬事有」、「超額認購」、「焱焱元帥」、「海島材子」和「勇進齊心」,當中以韋達馬房「星耀王者」爆得最甘,獨贏冷到一百三十四倍,如果買中十蚊W,平平地夠玩一日Staycation了。
洪禮賢
更多文章