乜都5G——上網不再「黐線」的生活

  上星期去咗一個ArtTech展,才女QQ見到我即刻急步衝埋嚟,話有事請教。原來才女最近搬屋搬到一頭煙!QQ喺元朗買咗一幢村屋,希望於綠蔭之下心曠神怡,寫稿都可能快啲順暢啲。

  不過QQ好煩惱,因為村屋個寬頻得8M,仲要交兩三百蚊月費兼簽三年約,本來約咗師傅上門裝寬頻,安裝當日在新屋等咗大半日,最後師傅嚟到話要移開大廳傢俬拉線,仲要拉線上二樓主人房、囝囝房同書房!抬頭一望天花板和牆角,全部「黐晒線」!

村屋唐樓寬頻龜速

  對村屋和唐樓住戶而言,光纖入屋並非理所當然,即使成功拉線入屋,亦要硬食貴到離地的月費,卻換來只有8M的龜速!如果全家同時上網,share完網絡之後,係可以慢到連收WhatsApp文字短訊,都要load成分鐘都未有剔號。所以話,每次上網拉線真係會搞到人都黐線!

  但係嚟到5G新世代,5G速度理論上比4G快10至100倍,除咗去街同坐車時打機睇片更快更順之外,仲幫我哋帶來「5G寬頻」!即是在家用寬頻都可以感受到5G的極速快感,更重要係一插即用,再唔使等師傅到,價錢仲要比傳統寬頻合理得多,百幾蚊月費就搞掂。

  誇張點說,兩公婆用一個plan,仔女又用一個plan,兩個5G寬頻的月費,隨時同傳統寬頻差唔多。身為電訊業專家,我當然立即幫才女QQ全屋做測試,然後喺大廳同書房各放一個5G WiFi Router,QQ一插電掣,唔使兩分鐘就上到網,仲有百幾二百Mbps!QQ話要廣傳呢個5G寬頻計劃畀唔同群組,佢老公同囝囝就話要請我食大餐!

裝5G路由器方便快捷

  如果說5G是流動通訊新里程,5G寬頻就簡直顛覆傳統的寬頻世界,完美打破傳統寬頻限制。就算搬完再搬,只要打個電話,然後喺新屋駁番個5G WiFi Router,就可以立即上網,除咗節省好多時間,仲唔使安裝費及搬遷費,裝寬頻唔會再「黐線」!5G又幫大家解決一個生活難題啦!

和記電訊香港行政總裁

古星輝


hd