任睇No.1
  • 28º
  • 73%
  • 2022年9月25日 星期日

古星輝 - 5G機慘被「大材小用」?|乜都5G

早前政府發放消費券,聽講唔少人都打算換新手機,特別係最近有新型號手機推出,而旗艦機又出咗新顏色,可能造就另一個換機潮。不過,巿場上,有唔少人買咗5G手機,但係又未升級月費計劃,造成5G機用4G plan嘅現象。

5G服務喺香港推出兩周年,香港去年9月底嘅5G客戶人數為220萬名,以全港人口計滲透率約三成,成績好唔錯。一般來講,追求科技、講求速度嘅科技達人,佢哋喺好早期就已經唔理價錢率先採用5G,呢批係5G機5G plan嘅用家。到科技慢慢普及,巿場就會出現一批願意換5G機,但覺得毋須用5G plan嘅客戶。電訊商一直各出奇謀,好希望吸納呢一班客戶,鼓勵佢哋升級。

5G手機用4G plan唔係唔得,而係好似你揸住架超級跑車,但係行嚟行去都係啲橫街窄巷一樣,浪費咗部靚車;又或者好似手持頭等車票,但坐咗去普通車卡一樣,嘥咗部有5G功能嘅手機;而且隨著時間一日一日過去,新機只會不斷耗損。綜觀而言,用家往往有兩大謬誤:
謬誤一:用5G好嘥電

有唔少客戶即使買咗新機,都會沿用4G plan。事實係好多機王已經出到第二、三代5G機,呢啲新機嘅晶片設計同埋電池容量都有好大進步,用電量其實同4G機差唔多。
謬誤二:5G plan好貴

事實係,電訊商已特別因應5G高數據用量習慣而制定咗合適嘅5G plan。一般嚟講,5G數據用量係4G用量嘅一至兩倍。消費者委員會舊年年底做咗個「5G流動電話服務月費計劃調查」,比較咗80幾個月費計劃,以100GB為例,月費在298元起。有啲入門計劃(不少於30GB)仲去到200元以下,並與4G相同月費嘅計劃具有更多嘅數據量。

由3G過渡至4G要10年,估計由4G過渡至5G嘅時間會快好多,因為5G生態系統發展良好,巿場上又有好多唔同檔次嘅5G手機俾用家選擇。5G時代已經來臨,究竟720P同4K嘅串流視頻畫質同清晰度、開啟視像通話或Zoom嘅時延及流暢度,係咪真係無乜分別?如果你買咗5G手機就唔好等喇,唔好浪費咗部新電話,快啲升級5G計劃親自感受體驗一下。
和記電訊香港執行董事及行政總裁
古星輝

hd