古星輝 - 5G語音更高清流暢｜乜都5G
古星輝
2022-04-29 00:00
字體大小
一直以來，5G服務予人嘅印象係高速、反應快，係推動企業數碼轉型嘅催化劑，而5G發展一直處於全球領先位置嘅中國內地，佢哋最近推出咗一項5G語音服務，可能大家會問，呢個都算係新發明？
冇錯，5G語音的而且確係新發明，呢個係5G嘅演進過程。早期為咗可以令服務更快推出市場，電訊商採用咗NSA（Non-Standalone/非獨立組網）嘅模式，唔知大家有冇留意，喺講電話嘅時候部電話嘅接收訊號會顯示為4G，呢個正正係NSA嘅特色。當網絡技術演進到SA（Standalone/獨立組網）模式，就無需再倚賴4G網絡，連帶通話服務都可以喺5G網絡上進行。大家記性好嘅話，會記得4G初推出時都有類似情況，喺講電話嘅時候，訊號顯示會跳到3G，連帶數據服務都暫時變成3G，直到VoLTE技術出現先至可以用到4G網絡通話。
至於5G語音呢個服務，喺業界有個名叫做VoNR（Voice over New Radio），屬於VoLTE嘅進化版，佢利用咗EVS（Enhance Voice Services）編解碼技術，打造出超清視像通話畫質、聲音更立體，對方猶如置身面前嘅通話新體驗，同時視像通話嘅畫質提升至720p。
最快接通時間僅1.6秒
5G語音另一優勢係接通更快，打出之後嘅接通速度可突破2秒大關，最快只係1.6秒就能夠接通，真正做到了秒打秒接通！質素好咗，收費會唔會貴咗呢？以內地為例，佢哋試行商用嘅期間，5G語音無論話音定係視像，都只係按通話時間收費，而唔會將數據用量計算在內。
新技術推出，大家最關心硬件支援方面，據知係2020年6月之後，主要品牌推出嘅5G Android智能電話，都可以透過軟件升級去支援5G語音，至於另一平台嘅電話，相信支援5G語音都只係時間問題。
大家可能會認為，依家愈嚟愈少打電話而改用通訊程式，5G語音有話音及720p畫質嘅特點，除咗大眾市場之外，對商用市場可能係另一重要啟示，為佢哋與客戶間嘅溝通創造一個全新平台，比現有通訊程式更易用，質素亦更佳，日後香港推出5G語音，各大企業值得考慮。
和記電訊香港執行董事及行政總裁
古星輝
冇錯，5G語音的而且確係新發明，呢個係5G嘅演進過程。早期為咗可以令服務更快推出市場，電訊商採用咗NSA（Non-Standalone/非獨立組網）嘅模式，唔知大家有冇留意，喺講電話嘅時候部電話嘅接收訊號會顯示為4G，呢個正正係NSA嘅特色。當網絡技術演進到SA（Standalone/獨立組網）模式，就無需再倚賴4G網絡，連帶通話服務都可以喺5G網絡上進行。大家記性好嘅話，會記得4G初推出時都有類似情況，喺講電話嘅時候，訊號顯示會跳到3G，連帶數據服務都暫時變成3G，直到VoLTE技術出現先至可以用到4G網絡通話。
至於5G語音呢個服務，喺業界有個名叫做VoNR（Voice over New Radio），屬於VoLTE嘅進化版，佢利用咗EVS（Enhance Voice Services）編解碼技術，打造出超清視像通話畫質、聲音更立體，對方猶如置身面前嘅通話新體驗，同時視像通話嘅畫質提升至720p。
最快接通時間僅1.6秒
5G語音另一優勢係接通更快，打出之後嘅接通速度可突破2秒大關，最快只係1.6秒就能夠接通，真正做到了秒打秒接通！質素好咗，收費會唔會貴咗呢？以內地為例，佢哋試行商用嘅期間，5G語音無論話音定係視像，都只係按通話時間收費，而唔會將數據用量計算在內。
新技術推出，大家最關心硬件支援方面，據知係2020年6月之後，主要品牌推出嘅5G Android智能電話，都可以透過軟件升級去支援5G語音，至於另一平台嘅電話，相信支援5G語音都只係時間問題。
大家可能會認為，依家愈嚟愈少打電話而改用通訊程式，5G語音有話音及720p畫質嘅特點，除咗大眾市場之外，對商用市場可能係另一重要啟示，為佢哋與客戶間嘅溝通創造一個全新平台，比現有通訊程式更易用，質素亦更佳，日後香港推出5G語音，各大企業值得考慮。
和記電訊香港執行董事及行政總裁
古星輝
更多文章
