任睇No.1
  • 28º
  • 82%
  • 2022年10月2日 星期日

古星輝 - 5G與NFT和元宇宙互利共生|乜都5G

「JUMPSTARTER 2022環球創業比賽」上周喺K11 MUSEA舉辦「創科盛典」活動,包羅多個藝術講座、NFT展覽同「花吹雪」大型沉浸式體驗。筆者就同日本知名數碼藝術家山下晶子出席其中一節藝術講座,討論NFT對藝術發展嘅影響,講吓NFT係咪已經改變咗藝術嘅概念,對電訊業嘅意義,以及5G喺元宇宙嘅角色等。

環球對NFT嘅關注程度,從網上嘅搜尋次數可以略知一二。根據Google Trend統計,NFT呢個字嘅搜尋次數由去年五月起一直上升,今年一月中更是最受關注嘅時期。眾所周知,NFT同元宇宙都係Web 3.0嘅一部份,而5G可以話係元宇宙嘅基礎,電訊商如何受惠於NFT同元宇宙,做到互利共生,可從兩方面探討。

其一是由BSC做起,呢個BSC唔係大家熟識嘅Bachelor of Science,而係Bandwidth(頻寬)、Storage(儲存)同 Computing(電腦運算)。喺BSC背後嘅其中一個強大後盾就係5G。其超高速、低時延、萬物互連嘅優勢,支援各款AR、VR穿戴裝置,隨時連接元宇宙的虛擬網絡同現實世界。

電訊商無論喺元宇宙或者現實,主要照顧兩批客戶,包括企業客戶同大眾客戶,為佢哋提供所需技術。一方面要讓大眾客戶進入元宇宙嘅廣闊空間消費、消閒同娛樂;另一方面協助企業客戶於元宇宙拓展業務,例如建構虛擬商店,引入不同應用,促進虛擬和現實嘅互動。

其二是提高市民大眾對NFT和元宇宙的認識。目前NFT及元宇宙主要以數碼藝術、零售和電子遊戲為切入點,要推廣呢啲新概念,電訊商扮演重要角色。例如有電訊商已率先將加密貨幣應用於營運層面,容許客戶以加密貨幣交月費同買電訊產品,開啟咗元宇宙嘅收費平台。
研推廣活動送加密貨幣

另外,大家都可能有參與過唔同公司嘅推廣活動,贏吓電子禮券或者儲吓積分。其實,有電訊商已經研究緊未來喺推廣活動送加密貨幣,以取代禮券同積分,等啲客慢慢習慣巿場新趨勢。

當然,要提高市民大眾對NFT同元宇宙嘅認識,電訊商或者大型企業亦可以行多一步,例如好似我哋咁借出門巿部份地方,變身藝廊,等年輕藝術家可以搞數碼藝術展覽同比賽,並將佢哋嘅作品免費鑄造為NFT。

總括而言,NFT同元宇宙不但賦予數碼藝術新意義,亦為電訊商帶來無限商機。
和記電訊香港執行董事及行政總裁
古星輝

hd