隨著元宇宙概念方興未艾，第三代互聯網（Web 3.0）可以話係科技嘅推手，當初由軍用嘅Web 1.0發展到民用嘅Web 2.0，到今時今日嘅Web 3.0，每一步嘅發展都循序漸進，從本來非常微小的領域開始，最後為人類生活帶來蝴蝶效應般巨大改變。但要做到模式蛻變（paradigm shift），加快拓展區塊鏈及虛擬的平行世界（即元宇宙），就要等待有廣泛採用、不用不可嘅殺手級應用出現。
最近我參加咗一個新穎的時裝展，就將元宇宙及Web 3.0嘅概念率先應用喺市場推廣嘅層面。
嗰個實體及虛擬混合嘅時裝展喺中環舉行，入場人士都以自己嘅虛擬化身登記入場，仲可以自己揀埋虛擬服飾。整個活動由虛擬模特兒行catwalk，到最後由真人模特兒展示實體時裝設計，與會人士可以同喺會場嘅人或者熒幕上嘅虛擬化身聯繫同互動，呢個沉浸式虛擬時裝表演，展現咗元宇宙及Web 3.0嘅有趣應用場景。
5G數碼營辦商提供有利條件
我相信，隨住大眾對元宇宙有一定認識，巿場慢慢就會產生愈來愈多實用嘅應用場景。當然，由感到虛幻嘅摸索階段到大眾了解和普及係一個發展規律。現時已有好多品牌捷足先登，喺元宇宙建立根據地。我哋作為數碼營辦商，擔當住一個既中立但重要嘅技術及商務綜合解決方案提供者的角色，無論係喺商業對商業（B2B）或商業對客戶（B2C）嘅層面，都可以促進元宇宙嘅發展。
數碼營辦商特別係有咗5G後，為發展Web 3.0及元宇宙提供咗成熟有利嘅條件。5G嘅特性包括萬物互聯、超高速、極低時延，有助區塊鏈及瞬即傳輸AR同VR等穿戴式裝置嘅數據，加強各種感應器嘅互連，以及用家喺虛擬及真實世界嘅互動、互聯，為建立元宇宙嘅虛擬世界打好基礎。
雖然元宇宙目前尚未普及，大眾對虛擬世界仍然處於了解或樂觀其成的取態，喺呢種情況下，享有商譽的數碼營辦商正正係備受信賴嘅一方（trusted party），因為我哋廣為大眾所認識，特別係要喺網上或虛擬世界若涉及有錢銀交易，用家都傾向信任佢哋喺實體世界所認識嘅公司，例如講到喺元宇宙用區塊鏈技術及數碼貨幣買嘢同NFT交易，數碼營辦商就好有優勢喇。
喺推動同發展元宇宙及Web 3.0嘅過程上，數碼營辦商扮演相當重要嘅角色，我哋可以幫唔同企業將實體世界嘅業務擴展到元宇宙，亦有助教育客戶未來發展趨勢。話時話，我哋公司都就嚟喺元宇宙開舖，到時喺元宇宙見！
和記電訊香港行政總裁
古星輝
;){kind=link}
;){kind=link}
;){kind=link}
;){kind=link}
;){kind=link}
;){kind=link}