古星輝 - 5G驅動綠色科技｜乜都5G
古星輝
2022-08-26 00:00
字體大小
天氣愈來愈反常，遠至歐美唔講，淨係喺香港，天文台喺上個月尾已經有7日錄得氣溫超過35°C，即係話今年已成為35°C或以上日數最多嘅一年！氣候變化嘅影響，真係逼在眉睫，幸好5G有辦法！
上星期香港電器及電子設備回收協會，喺會展舉行嘅「香港電腦通訊節2022」，開設咗「5G及綠色科技生活區」推廣創新綠色科技，我哋都大力支持，同大眾分享5G如何能減少碳排放同應對氣候變化。5G本身就係好多綠色技術項目嘅強大推手，有助實現環境嘅可持續發展。同大家分享其中兩個例子：
其中一例是有關車聯網（V2X）。車聯網係組成「綠色交通」嘅重要部份，提倡使用清潔或可再生能源，能優化交通流量，以及減低道路擠塞，同時減少溫室氣體如二氧化碳、甲烷和一氧化二氮等排放。
5G覆蓋廣泛，高速、低時延，是驅動車聯網嘅動力。當5G同人工智能和傳感器結合時，可加速開發具有可靠連接性嘅自動駕駛汽車項目。而隨住5G嘅精準度提升到新指標，由5G驅動嘅自動駕駛汽車，可透過使用車輛實時共享數據，並通過準確的路線圖提供更快捷的路線，以避開交通事故。
智能建築物助節省能源
其二是關於智能建築物解決方案。「智能建築物」係綠色科技嘅另一例子，為物業管理提供咗好多物聯網解決方案，能節省能源。
好似安裝感應器喺智能建築物內，可以監測光暗度、溫度同濕度，進行全天候監察。當系統偵測到原來每日五、六點開始日落，啲窗簾就會自動拉開，以及實時調節照明系統；而當溫度下降時，冷氣機又會自動調節，節省能源。
據悉，香港有部份政府部門同醫院，已經採用咗智能建築物解決方案，以自動調節溫度同控制照明，以達到節能效果。不久將來，相信有關應用應該更為普及。
和記電訊香港行政總裁
古星輝
上星期香港電器及電子設備回收協會，喺會展舉行嘅「香港電腦通訊節2022」，開設咗「5G及綠色科技生活區」推廣創新綠色科技，我哋都大力支持，同大眾分享5G如何能減少碳排放同應對氣候變化。5G本身就係好多綠色技術項目嘅強大推手，有助實現環境嘅可持續發展。同大家分享其中兩個例子：
其中一例是有關車聯網（V2X）。車聯網係組成「綠色交通」嘅重要部份，提倡使用清潔或可再生能源，能優化交通流量，以及減低道路擠塞，同時減少溫室氣體如二氧化碳、甲烷和一氧化二氮等排放。
5G覆蓋廣泛，高速、低時延，是驅動車聯網嘅動力。當5G同人工智能和傳感器結合時，可加速開發具有可靠連接性嘅自動駕駛汽車項目。而隨住5G嘅精準度提升到新指標，由5G驅動嘅自動駕駛汽車，可透過使用車輛實時共享數據，並通過準確的路線圖提供更快捷的路線，以避開交通事故。
智能建築物助節省能源
其二是關於智能建築物解決方案。「智能建築物」係綠色科技嘅另一例子，為物業管理提供咗好多物聯網解決方案，能節省能源。
好似安裝感應器喺智能建築物內，可以監測光暗度、溫度同濕度，進行全天候監察。當系統偵測到原來每日五、六點開始日落，啲窗簾就會自動拉開，以及實時調節照明系統；而當溫度下降時，冷氣機又會自動調節，節省能源。
據悉，香港有部份政府部門同醫院，已經採用咗智能建築物解決方案，以自動調節溫度同控制照明，以達到節能效果。不久將來，相信有關應用應該更為普及。
和記電訊香港行政總裁
古星輝
更多文章
