任睇No.1
  • 17º
  • 83%
  • 2023年2月4日 星期六

古星輝 - 5G加速企業數碼轉型|乜都5G

「數碼轉型」一直係「再工業化」同智慧城巿發展嘅其中一個重要議題。由於5G超高速、低時延,能互聯萬物;配合物聯網同雲端科技日漸成熟,再加上新常態嘅出現,令好多大小企業不得不邁向數碼轉型。

我哋一方面全力發展5G,從穩定可靠嘅網絡基建做起,同時亦為各行各業物色實用嘅5G方案,例如最近新推出嘅校園資產管理方案,就利用咗無線射頻身份識別技術(RFID),幫助學校管理物資,開始數碼轉型。

作為新一代嘅數碼營辦商,我哋早喺幾年前已開始數碼轉型。最近,公司仲全面升級科技系統。我哋同Microsoft香港開展策略合作,係第一間率先採用Microsoft端對端客戶洞察分析平台嘅數碼營辦商,透過應用人工智能辨識客戶需求,提供「超個人化」客戶服務,並以雲端技術提升客戶嘅數碼體驗同滿意度。上星期,全公司亦開始轉用Microsoft 365雲端平台,提高工作效率。同事可以隨時隨地喺雲端平台存取檔案,而儲存喺雲端嘅檔案又會定期備份,即使遇到突發情況,都可以如常工作。
互聯城市大會下周五舉行

話時話,城中盛事「互聯城市大會」將於下星期五(9月9日)舉行,由早到晚會有好多場網上分享會。公司今年係活動嘅策略夥伴之一,我就約咗Microsoft香港及澳門區總經理Cally同駐新加坡KPMG亞太區科技、傳媒及電訊主管Darren,一齊主持爐邊對話,講吓5G、傾吓雲端,探討吓佢地同互聯城市嘅關係。

大會今年主題係「打造智慧ESG城市」,邀請嚟自全球學術界、商界、領先企業以至初創企業嘅翹楚,同大家分享佢哋嘅見解。去年就有嚟自45個國家及地區,超過3000人參加呢個網上盛會。今年大家記得預先登記,費用全免。由我哋三位主講嗰場分享會,會喺當日下午3時20分播出,我先多謝各位捧場!

登記網址:https://bit.ly/0909connectedcities
和記電訊香港執行董事及行政總裁
古星輝


hd