古星輝 - 全城瘋搶新一代機王｜乜都5G
古星輝
2022-09-16 00:00
字體大小
今日係全球矚目嘅新一代機王iPhone 14系列開賣嘅大日子，每年呢個時候佢都會搶盡眼球，電訊界會扭盡六壬度新橋吸客，果粉們就會睇邊一款係自己杯茶，再四圍格價睇吓點買先最着數。
雖然有云「早買早享受，遲買平幾舊」，呢句說話套用喺iPhone度就唔多啱用嘞。今年反而早買早享受之外，仲可以平多6000！我冇呃你，因為有電訊商推出咗極震撼嘅早鳥優惠，只要放低500蚊訂金，就可以搶到最多6000嘅淨機折扣，仲保證新機推出後14日內有機攞，連上網撳嘅時間都慳返。真係前所未有咁吸引，難怪當日呢個限時優惠一出，唔使半日已經額滿。
大家都知果粉都要先搶為快，呢個台竟然誇下海口話14日內有機到手，真係有「吉士」。據知今日開賣已經安排咗一批早鳥客戶出機，直頭令人喜出望外，呢種講得出做得到嘅精神，相信果粉們都會好滿意。
iPhone 14系列支援700MHz頻譜
講開今次出機，除咗要格盡優惠，有一樣嘢大家都要留意，就係iPhone 14系列支援700MHz嘅頻譜，我早前都提過呢段頻譜穿透力強，可以帶嚟更具深度嘅覆蓋，簡單講即係接收得更好啦，呢一樣都值得大家留意，睇吓邊個網絡商有用呢段頻譜提供服務，咁先至將機王實力發揮到極致。
執筆前聽到一個消息，由於今次iPhone分咗幾個版本，例如美國係用全eSIM版，港版用嘅係傳統實體SIM卡版，而唔係個個用家都鍾意用eSIM，已經有唔少外國用家想搵返插到傳統實體SIM卡嘅版本，所以香港呢批貨會相當搶手。雖然消息真假難分，不過全城瘋搶就一定係事實，大家準備好未？
和記電訊香港行政總裁
古星輝
雖然有云「早買早享受，遲買平幾舊」，呢句說話套用喺iPhone度就唔多啱用嘞。今年反而早買早享受之外，仲可以平多6000！我冇呃你，因為有電訊商推出咗極震撼嘅早鳥優惠，只要放低500蚊訂金，就可以搶到最多6000嘅淨機折扣，仲保證新機推出後14日內有機攞，連上網撳嘅時間都慳返。真係前所未有咁吸引，難怪當日呢個限時優惠一出，唔使半日已經額滿。
大家都知果粉都要先搶為快，呢個台竟然誇下海口話14日內有機到手，真係有「吉士」。據知今日開賣已經安排咗一批早鳥客戶出機，直頭令人喜出望外，呢種講得出做得到嘅精神，相信果粉們都會好滿意。
iPhone 14系列支援700MHz頻譜
講開今次出機，除咗要格盡優惠，有一樣嘢大家都要留意，就係iPhone 14系列支援700MHz嘅頻譜，我早前都提過呢段頻譜穿透力強，可以帶嚟更具深度嘅覆蓋，簡單講即係接收得更好啦，呢一樣都值得大家留意，睇吓邊個網絡商有用呢段頻譜提供服務，咁先至將機王實力發揮到極致。
執筆前聽到一個消息，由於今次iPhone分咗幾個版本，例如美國係用全eSIM版，港版用嘅係傳統實體SIM卡版，而唔係個個用家都鍾意用eSIM，已經有唔少外國用家想搵返插到傳統實體SIM卡嘅版本，所以香港呢批貨會相當搶手。雖然消息真假難分，不過全城瘋搶就一定係事實，大家準備好未？
和記電訊香港行政總裁
古星輝
最Hit
更多文章
