香港推出5G服務已有兩年多時間，焦點都集中於提高經濟裨益，改善社會民生，今日筆者同大家分享一下5G喺另一層面嘅應用。
以前未有5G時，學界喺資訊科技基礎設施嘅重點，大多放喺「光纖到校」同幾年前都講緊嘅「光纖到課室」。一般人嘅錯覺，以為「5G智慧校園」所指都係大學同大專院校。我哋嘗試從兩個層面切入，睇下5G點樣打造「智慧校園」，同埋提升電子學習與教學效能。
在校園網絡基建方面，時至今日採用5G流動寬頻毋須鋪線，即可極速於校園建立流動網絡，迅速拓展學校嘅網絡覆蓋，支援更多裝置及應用方案。
一場疫情促進咗網上教學嘅發展，將上班一族自攜裝置（BYOD）返公司嘅習慣延伸至校園。o依家即使恢復部份面授課堂，好多學生都要自備平板電腦、手提電腦或手機上課，對學校頻寬嘅需求大增。好多學校已設有內聯網，但基於網絡安全考慮，若學校能建立自己嘅5G流動網絡，就可以將校管或老師所用嘅網絡，與供學生使用嘅網絡分開，確保大家有充裕頻寬及確保網絡安全。
在校園5G應用方面，打造智慧校園首先要為學校精心部署5G硬件安排，在配置5G教育方案時，亦要因應個別學校所需而度身設計。
助特殊學校配置方案
公司嘅專業團隊，今年分別成功為兩間特殊學校申請咗政府資助，幫學校配置咗5G流動寬頻同5G機械人方案。學校會為學生提供手帶，以防佢哋喺小息或休息期間去咗危險地方，例如學生去咗停車場、校園出入口或樓梯等危險地帶，系統就會實時發出警報，一方面以短訊通知老師採取緊急行動，另一方面亦會即時通報機械人，以迅速找到學生嘅準確位置。
5G機械人亦可於校園擔任教學大使，老師會因應同學嘅學習需要或興趣，制訂個人化學習教材。喺小息時，當同學和機械人互動，機械人透過手帶辦認出同學嘅身份，知道佢最鍾意嘅學科，電腦熒幕就會用超高速、低時延嘅5G播放相關嘅練習或短片，加強學生自主同個人化學習。
「鼓勵及早使用5G技術資助計劃」嘅申請將於本年底截止，有興趣嘅學校要把握機會喇！下星期筆者會同大家介紹一下校園妙用5G科技嘅實例。
和記電訊香港行政總裁
古星輝
;){kind=link}
;){kind=link}
;){kind=link}
;){kind=link}
;){kind=link}
;){kind=link}