古星輝 - 5G智慧鄉郊｜乜都5G
古星輝
2022-12-30 00:00
字體大小
在追求樂活的世代，愈來愈多人喜歡住喺鄉郊，因為空氣清新啲、空間多一啲、私隱度亦高啲。隨著科技發展，特別係5G日漸普及，亦為鄉郊注入動力，進一步拉近城鄉嘅距離，亦有助提升偏遠地區居民嘅生活質素。
全港約有700條村落，政府於2020年底推出「智慧城市藍圖2.0」，提出「智慧鄉郊」嘅願景，期望藉科技促進鄉郊數碼化，以改善民生。其實好多鄉村因為無光纖覆蓋，住戶喺通訊上網方面，一直遇到不少困難。及至5G推出，加上電訊商近年大力於鄉郊及低密度住宅區推廣5G寬頻；免掘路、免拉線，用戶可即插即上網！
以5G提升村落嘅流動網絡覆蓋快而準，無論係為家居住戶提供5G寬頻服務，定係促進鄉郊社區發展，都有助打造「智慧鄉郊」。
5G神器上網 唔怕山旮旯
喺疫情及新常態下，流動通訊愈見重要。上網已並非打機、睇片、理財咁簡單，無論遙距工作、上堂，甚至病咗要視像診症，都要有高速流暢嘅網絡連接。喺偏遠地區用5G寬頻，可謂無懈可擊。特別係今年開通咗700MHz頻段，即使喺山旮旯地方，只要配合5G神器（即先進路由器），就可瞬間上網。
另外，結合咗其他先進技術嘅5G應用方案，喺建構鄉郊社區方面亦好有幫助。例如喺5G交通、5G醫療或5G環境監察等範疇，只要應用合適嘅5G方案，就可以畀居民既享有郊外清幽嘅生活環境，兼享市區生活嘅便利。
正所謂「民生無小事」，喺政府牽頭嘅「智慧鄉村先導計劃」下，就見到唔少科技便利民生嘅例子，例如以先進科技監察樹木倒塌嘅情況，以人工智能及機械人方案，偵測山火、水浸、以至非法傾倒泥頭／垃圾，以及有無野生動物出沒等。簡單如在沙螺洞、荔枝窩等郊野建設智能洗手間，亦有助便利民生，加快「智慧鄉郊」嘅發展。
2023年將至，祝大家新年進步！
和記電訊香港行政總裁
古星輝
全港約有700條村落，政府於2020年底推出「智慧城市藍圖2.0」，提出「智慧鄉郊」嘅願景，期望藉科技促進鄉郊數碼化，以改善民生。其實好多鄉村因為無光纖覆蓋，住戶喺通訊上網方面，一直遇到不少困難。及至5G推出，加上電訊商近年大力於鄉郊及低密度住宅區推廣5G寬頻；免掘路、免拉線，用戶可即插即上網！
以5G提升村落嘅流動網絡覆蓋快而準，無論係為家居住戶提供5G寬頻服務，定係促進鄉郊社區發展，都有助打造「智慧鄉郊」。
5G神器上網 唔怕山旮旯
喺疫情及新常態下，流動通訊愈見重要。上網已並非打機、睇片、理財咁簡單，無論遙距工作、上堂，甚至病咗要視像診症，都要有高速流暢嘅網絡連接。喺偏遠地區用5G寬頻，可謂無懈可擊。特別係今年開通咗700MHz頻段，即使喺山旮旯地方，只要配合5G神器（即先進路由器），就可瞬間上網。
另外，結合咗其他先進技術嘅5G應用方案，喺建構鄉郊社區方面亦好有幫助。例如喺5G交通、5G醫療或5G環境監察等範疇，只要應用合適嘅5G方案，就可以畀居民既享有郊外清幽嘅生活環境，兼享市區生活嘅便利。
正所謂「民生無小事」，喺政府牽頭嘅「智慧鄉村先導計劃」下，就見到唔少科技便利民生嘅例子，例如以先進科技監察樹木倒塌嘅情況，以人工智能及機械人方案，偵測山火、水浸、以至非法傾倒泥頭／垃圾，以及有無野生動物出沒等。簡單如在沙螺洞、荔枝窩等郊野建設智能洗手間，亦有助便利民生，加快「智慧鄉郊」嘅發展。
2023年將至，祝大家新年進步！
和記電訊香港行政總裁
古星輝
更多文章
