古星輝 - 藝術月綻放5G魅力｜乜都5G
古星輝
2023-03-17 00:00
字體大小
上星期提及全港首個郵輪5G網上直播呢個創舉，喺團隊齊心合力之下順利完成，為香港科技界及藝術界寫下精采一章。
當日早上到郵輪出席啟動儀式，同時再睇工程團隊喺郵輪上嘅實測情況，無論清晰度同流暢度都令人十分滿意。當晚8時10分，我準時開住電話睇直播，整段直播相當順暢，冇出現窒格，而製作團隊嘅鏡頭運用亦極具心思，整個演出有極高速及超低時延嘅5G網絡支援，令香港以至全球觀眾可以欣賞到高清流暢、結合維港夜景嘅中樂表演直播，充份展示香港5G網絡同技術嘅領先優勢，以及發揮5G應用喺不同場景嘅無限可能，成功為5G應用寫下新標準。短短20分鐘嘅演出極為精采，正好配合政府「你好，香港！」活動，宣揚香港集合中西文化的獨特吸引力。
雖然整個演出都係喺維港中心進行，但團隊做足準備工夫，當晚訊號接收情況同工程團隊預計相若，呢班神隊友確抵讚。如果各位上周錯過咗嘅話，可以到香港中樂團嘅YouTube頻道重溫。
藝術結合科技的3月
隨著香港和內地以至全世界嘅聯繫逐漸復常，政府亦啟動「你好，香港！」大型全球宣傳活動，吸引全球人士到香港感受我哋嘅活力，令我哋再度成為盛事之都。3月係充滿藝術色彩嘅月份，盛事一浪接一浪，繼郵輪5G網上直播後，另一項年度國際藝術盛事「2023年巴塞爾藝術展香港展會」亦都喺下周舉行。喺全面復常情況之下，預期參與人數會係近年之最，我哋公司繼去年之後，今年會繼續支持呢件國際盛事，至於我哋喺會場嘅5G佈局情況，以及5G可以點樣與藝術結合，下星期再同大家分享。
和記電訊香港行政總裁
古星輝
當日早上到郵輪出席啟動儀式，同時再睇工程團隊喺郵輪上嘅實測情況，無論清晰度同流暢度都令人十分滿意。當晚8時10分，我準時開住電話睇直播，整段直播相當順暢，冇出現窒格，而製作團隊嘅鏡頭運用亦極具心思，整個演出有極高速及超低時延嘅5G網絡支援，令香港以至全球觀眾可以欣賞到高清流暢、結合維港夜景嘅中樂表演直播，充份展示香港5G網絡同技術嘅領先優勢，以及發揮5G應用喺不同場景嘅無限可能，成功為5G應用寫下新標準。短短20分鐘嘅演出極為精采，正好配合政府「你好，香港！」活動，宣揚香港集合中西文化的獨特吸引力。
雖然整個演出都係喺維港中心進行，但團隊做足準備工夫，當晚訊號接收情況同工程團隊預計相若，呢班神隊友確抵讚。如果各位上周錯過咗嘅話，可以到香港中樂團嘅YouTube頻道重溫。
藝術結合科技的3月
隨著香港和內地以至全世界嘅聯繫逐漸復常，政府亦啟動「你好，香港！」大型全球宣傳活動，吸引全球人士到香港感受我哋嘅活力，令我哋再度成為盛事之都。3月係充滿藝術色彩嘅月份，盛事一浪接一浪，繼郵輪5G網上直播後，另一項年度國際藝術盛事「2023年巴塞爾藝術展香港展會」亦都喺下周舉行。喺全面復常情況之下，預期參與人數會係近年之最，我哋公司繼去年之後，今年會繼續支持呢件國際盛事，至於我哋喺會場嘅5G佈局情況，以及5G可以點樣與藝術結合，下星期再同大家分享。
和記電訊香港行政總裁
古星輝
更多文章
