任睇No.1
  • 28º
  • 83%
  • 2022年8月10日 星期三

曾智華 - 瀕臨絕種懷舊美食|祿祿無窮

今日附上的照片,大家睇唔睇得出係乜?呢種懷舊美食,今日香港(相信國內外也如是),已經頗難找到——眉豆糕是也。

我最喜歡四圍蕩,除觀賞香港城市風光外,更重要——為食。因為,好多隱世美食店,從不賣廣告,只躲在舊區的橫街街角,店主不懂宣傳,更不會搞甚麼公關。總之,平平哋租個小舖做自己擅長的出品。今日介紹呢間乃典型!東主應是一對年輕的新移民夫婦,約三十出頭,但離奇地,懂得炮製各類上世紀五十年代的糕點。

小小一間舖,除咗各類包點外,最吸引為有齊:黃糖糕、白糖糕、砵仔糕(各種味道)、馬蹄糕、紅豆糕、眉豆糕、雞屎籐、茶稞(眉豆、花生、豆沙)、綠豆餅、杏仁餅、糯米糍、雲片糕……全部皆幾蚊一件,以今時今日的成本計,真係唔知佢賺乜!

飲品方面,雞骨草、五花茶、馬蹄露、豆漿,也只五六元一杯。飲一杯,來一個包,再加一件糕點,十五元已飽飽,問你邊處揾?

嗱嗱,你咪問我好唔好味?食懷舊糕點,重要的,不是似如今的新派麵包,內藏N種材料,又牛油又伯爵茶又日本糖……

呢檔懷舊糕點,像是一百年不變,賣的,就是老味道。一啖入口,長者們必似走入時光隧道,童年記憶湧現。
地址:土瓜灣浙江街與馬頭圍道交界,7-11旁
曾智華

hd