任睇No.1
  • 27º
  • 92%
  • 2022年8月10日 星期三

曾智華 - 認病,不認命!|祿祿無窮

上周末,到尖沙咀河內道附近晚飯,行經K11「室外藝術展覽廣場」,咦,但見有班人圍住幾塊展覽板指手劃腳。
 傳媒人天性——八卦!小弟百分百入晒血,於是,快步走埋去睇睇——發生乜嘢嘅事情?

哦……原來有個「認病不認命」展覽。集齊五位曾經穿梭生死者分享心路歷程。

內容極具意義,我感同身受。因自己也在人生中經歷兩次幾乎瓜得的大病。不過,病,還得繼續「生」及繼續「活」,一於頂硬上!呢種精神,終令我大步檻過,重拾生命。

同病,才會相憐。所以,若由曾穿梭生死者將經歷講出,一定能感染「病」者,協助佢哋「不認命」,努力活下去。

五個展出的人物,包括「薯片叔叔」曾俊華。

佢幾乎瓜得那次,發生在出任財政司司長的二○○九年。當年一次往美國出差,正值金融海嘯之後,全球經濟崩潰,股市跌到阿媽都唔識喊。佢心繫香港,本諗住一落機就衝返辦公室。點知,個心𢲡住𢲡住劇痛,原來心臟病發,塞晒三條心臟血管。於是,立即施緊急手術,好彩仲救得返。

手術後,呢位「拼命三郎」立即work from ward(病房),佢對工作之熱情,簡直可以熔鋼!

個展覽非常有意義,推薦大家親身到現場睇睇,尤其身有病者,肯定有所得着! (展期至七月三日)
曾智華

hd