曾智華 - 曾超敬極品花膠｜祿祿無窮
曾智華
2022-06-23 00:00
字體大小
寫《頭條日報》專欄前，有「汝曾被警告」的事發生。話說，某老友語重心長提示：「碌Sir，寫《頭條》，唔好寫咁多高檔嘢呀，因大部份讀者皆草根階層呀！」
係真唔係真？冇調查，冇發言權！原來，不少中產及以上屋苑，全部有直接派送服務（包括小弟的大廈！）。專欄出街後，也有N咁多上晒岸老友顯示日日追睇！
另外，你知我知，刁鑽美食專家葉樹堃，也每周全版晒同石禮謙等唔正唔食一族去邊度歎，咁，即係，我乜都介紹得啦。
今次呢味就真正「富貴菜」嘞。
背景：有位上晒岸又非常好客老友，剛剛有大喜事，以佢性格，當然豪一豪。
選定灣仔鷹君中心「米仔」級數的「明閣」。一個月前已要求廚藝大師曾超敬嘔心瀝血度張頂級菜單，幾位老友聚一聚。
菜單傳來：太白醉香貴妃蚌、酒香海蜇醉鮑魚、拍青瓜陳年花雕醉鵝肝、魚子醬瑤柱清汁脆皮花膠（圖）、海皇冬瓜盅、無錫汁焗波士頓龍蝦球、雲耳唐芹魚湯浸菠菜苗、脆皮鹽香雞、薑葱叉燒撈粗麵、薑茶桃膠湯圓。
咁食法，當然翌日要全齋戒啦。不過，呢個美食陣容，再加美酒，再加老友，你話人生幾何？不過，我哋班友有來有往，一定拒絕一個人「威晒」。好，下次到我度去邊，誓令大家驚喜！
是晚味脆花膠好味道「起立敬禮坐下」！
曾智華
係真唔係真？冇調查，冇發言權！原來，不少中產及以上屋苑，全部有直接派送服務（包括小弟的大廈！）。專欄出街後，也有N咁多上晒岸老友顯示日日追睇！
另外，你知我知，刁鑽美食專家葉樹堃，也每周全版晒同石禮謙等唔正唔食一族去邊度歎，咁，即係，我乜都介紹得啦。
今次呢味就真正「富貴菜」嘞。
背景：有位上晒岸又非常好客老友，剛剛有大喜事，以佢性格，當然豪一豪。
選定灣仔鷹君中心「米仔」級數的「明閣」。一個月前已要求廚藝大師曾超敬嘔心瀝血度張頂級菜單，幾位老友聚一聚。
菜單傳來：太白醉香貴妃蚌、酒香海蜇醉鮑魚、拍青瓜陳年花雕醉鵝肝、魚子醬瑤柱清汁脆皮花膠（圖）、海皇冬瓜盅、無錫汁焗波士頓龍蝦球、雲耳唐芹魚湯浸菠菜苗、脆皮鹽香雞、薑葱叉燒撈粗麵、薑茶桃膠湯圓。
咁食法，當然翌日要全齋戒啦。不過，呢個美食陣容，再加美酒，再加老友，你話人生幾何？不過，我哋班友有來有往，一定拒絕一個人「威晒」。好，下次到我度去邊，誓令大家驚喜！
是晚味脆花膠好味道「起立敬禮坐下」！
曾智華
更多文章
