曾智華 - 窒瓜霸車位者｜祿祿無窮
曾智華
2022-06-24 00:00
字體大小
任何事，都有正反意見，例如非法泊車被抄牌，正的意見就是——犯法就是犯法，鬼叫你亂泊！
但反的意見也有點「理」——執法要情理並重。香港政府濫發車牌，但就唔批足夠泊車位，即直接迫數十萬車主犯法！再者，如今抄牌，「狼過華秀隻狗」，清晨唔阻街也抄，簡直濫權製造民憤！
正正反反爭辯之中，有一項，黑白分明冇得爭辯，必須即抄兼重罰的，正是普通司機強霸傷殘人士車位。
地面印有傷殘人士標誌的殘疾人士專用車位，只供持有「傷殘人士泊車許可證」者用。但基於罰則不重，個別欠缺公德心健全司機，搏被罰，也大安旨意照泊傷殘位，將罰款當作泊車費。
點解班霸位司機冇有怕？簡單，第一，未必會被抄牌。第二，罰款太低，阻嚇力不足。
咁，點先至掂？易，令到個個濫泊者必被抄，無一倖免。反正如今通街「天眼」，一於凡有傷殘人士泊位地點，就「睇」住犯法者錄影，邊有得走？
第二，既然罰款太輕，立即加碼至三倍，霸一次傷殘位即罰過千，問你怕未？兼且，要好似不小心駕駛咁，重重扣分，扣到要再上駕駛課，重新學習遵守法例。
昨日路過土瓜灣一傷殘人士泊位，又被無良者霸咗。哈，唔知邊個咁幽默，在佢水撥夾咗張字條問：「你究竟係傷殘，定將會變傷殘？」
曾智華
但反的意見也有點「理」——執法要情理並重。香港政府濫發車牌，但就唔批足夠泊車位，即直接迫數十萬車主犯法！再者，如今抄牌，「狼過華秀隻狗」，清晨唔阻街也抄，簡直濫權製造民憤！
正正反反爭辯之中，有一項，黑白分明冇得爭辯，必須即抄兼重罰的，正是普通司機強霸傷殘人士車位。
地面印有傷殘人士標誌的殘疾人士專用車位，只供持有「傷殘人士泊車許可證」者用。但基於罰則不重，個別欠缺公德心健全司機，搏被罰，也大安旨意照泊傷殘位，將罰款當作泊車費。
點解班霸位司機冇有怕？簡單，第一，未必會被抄牌。第二，罰款太低，阻嚇力不足。
咁，點先至掂？易，令到個個濫泊者必被抄，無一倖免。反正如今通街「天眼」，一於凡有傷殘人士泊位地點，就「睇」住犯法者錄影，邊有得走？
第二，既然罰款太輕，立即加碼至三倍，霸一次傷殘位即罰過千，問你怕未？兼且，要好似不小心駕駛咁，重重扣分，扣到要再上駕駛課，重新學習遵守法例。
昨日路過土瓜灣一傷殘人士泊位，又被無良者霸咗。哈，唔知邊個咁幽默，在佢水撥夾咗張字條問：「你究竟係傷殘，定將會變傷殘？」
曾智華
最Hit
港人分享北上蓮塘口岸買餸攻略！￥20斤脆皮燒肉／￥50三包潮州牛丸 即睇深圳人氣街市地址
2024-04-15 19:05
星島申訴王｜協恩辯論賽「四眼妹」女大十八變 「係咪嬲我」辯論賽 3主角最新動態
2024-04-15 17:10
更多文章
