任睇No.1
  • 28º
  • 85%
  • 2022年8月10日 星期三

曾智華 - 養狗對抑鬱具療效|祿祿無窮

作為嚴重抑鬱病過來人(仍要天天服藥),我非常樂意協助在情緒病苦海中掙扎的同路人。因為,抑鬱令人感受到的痛苦,未試過的,絕對難以理解。

最弊,精神情緒有問題,不似斷手斷腳穿頭或皮膚病,肉眼根本睇唔到。所以,旁人不但冇你同樣感受,根本無法想像。

但抑鬱症的苦痛,遠遠比肉體苦痛來得深入難捱,也會令一個人感到絕望。

這就解釋到,全球大城市,自殺因素排頭位的,正是患上抑鬱症。

不過,呢種病好奇,只要你搵到適當藥物,再由心理生理兩方面作出調節(尤其減壓!),身心回復正常,不是冇可能的。

基於個人經驗,我不時遇上病患者及其家屬求助,必直接忠告——病向淺/錢中醫。

淺,大家都明。錢呢,正是若你為慳錢去排政府,咁就可能「死咗都未天光」!因政府嚴重缺乏精神專科醫生,除非你衝急症室,否則,最少排幾年才有機會輪到。

我也是邊睇私家邊輪公家的。不過,一開始有咗公家固定覆診安排,咁就「一勞永逸」,定期有醫生照顧了。

小弟對「同病」者的忠告,除睇醫生之外,有兩樣可做而大有幫助。一是運動,二是養小狗(圖)。運動產生安多酚(快樂賀爾蒙),令血氣運行。養小狗則有個良伴(永遠不會煩你或挑戰你,只默默相陪),兩者皆有明顯療效。
曾智華

hd