曾智華 - 冷面笑匠｜超哥｜祿祿無窮
曾智華
2022-07-12 00:00
字體大小
李家超由公佈競選特首開始，提供極多娛樂性給市民大眾，於是，火速在網上走紅，被封「政壇黎明」，即係「金句王」。
最具戲劇效果，是凡超哥講金句，絕非似其他「老政客」，處心積慮，諗過度過。
超哥呢，一睇就知乃由心而出，加上木口木面，於是，撞出豐富娛樂性。
超哥受警隊訓練，故此，極之擅長觀察人、事物。另一方面，由小官升至大官過程中，當然受過不少上司的氣，谷埋谷埋，近日在多個訪問中，滲吓出啲，滲吓又出啲。不過，唔知點解，由佢口中講出，只有喜劇效果而冇乜火藥味。
例如，佢早前話：「我並唔係一個口號式嘅行政長官！」
即係點？即係佢心目中，個別行政長官齋講口號而冇落實啦！大家諗到邊個或邊句呢？小弟即時腦中浮現：一、中國好、香港好、香港好、中國好；二、起錨！三、成熟一項推一項；四、官到無求膽自大！
超哥最新一句，更笑爆前朝官場高層嘴。因佢用幽默語氣，一針見血，為大家一洩怨憤。講咗乜？正是上周在有線電視訪問中話：「我並冇打算做十五個局長的角色！」
呢句，普通市民可能聽唔到佢話中有話，但所有曾在林鄭之下的高官，都聽到大大條「骨」，衝着以前特首而來。因佢自恃好打得，乜都要管乜都要理，搞到大部份下屬好冇癮也！
曾智華
最具戲劇效果，是凡超哥講金句，絕非似其他「老政客」，處心積慮，諗過度過。
超哥呢，一睇就知乃由心而出，加上木口木面，於是，撞出豐富娛樂性。
超哥受警隊訓練，故此，極之擅長觀察人、事物。另一方面，由小官升至大官過程中，當然受過不少上司的氣，谷埋谷埋，近日在多個訪問中，滲吓出啲，滲吓又出啲。不過，唔知點解，由佢口中講出，只有喜劇效果而冇乜火藥味。
例如，佢早前話：「我並唔係一個口號式嘅行政長官！」
即係點？即係佢心目中，個別行政長官齋講口號而冇落實啦！大家諗到邊個或邊句呢？小弟即時腦中浮現：一、中國好、香港好、香港好、中國好；二、起錨！三、成熟一項推一項；四、官到無求膽自大！
超哥最新一句，更笑爆前朝官場高層嘴。因佢用幽默語氣，一針見血，為大家一洩怨憤。講咗乜？正是上周在有線電視訪問中話：「我並冇打算做十五個局長的角色！」
呢句，普通市民可能聽唔到佢話中有話，但所有曾在林鄭之下的高官，都聽到大大條「骨」，衝着以前特首而來。因佢自恃好打得，乜都要管乜都要理，搞到大部份下屬好冇癮也！
曾智華
更多文章
