任睇No.1
  • 29º
  • 77%
  • 2022年10月5日 星期三

曾智華 - 白供XX膏|祿祿無窮

童年時,電視電台報章很多藥物廣告,全部深入民心,包括保濟丸、五寶散、白花油、萬金油、腳癬靈……當中有一隻,經常俾人攞嚟搞笑的,正是白宮痔瘡膏。

呢隻膏,點解叫「白宮」,真係無從考究,雖為美國製造,但原名為「Penetration H Cream」,與「白宮」兩字風馬牛不相及。究竟,是否當年美國白宮主人,個個需要隻膏呢?

「白宮」個名經常俾人攞嚟玩,因諧音與「白供」相同。

本來,呢隻藥,年輕人多不認識,也不再流行。而產品亦甚少賣廣告,名字當然慢慢淡出。

不過,在六十歲以上成年人腦海,則絕對不會忘記,印象太深刻也。

唔知點解,近兩年,上年紀者,碰口碰面,又再不停提起「白宮」兩個字。難道突然個個生痔瘡?當然唔係,咁係乜?

原來,香港中產階級,捱到咁上下,十之六七皆會入這個那個會,例如馬會、哥爾夫球會、遊艇會、鄉村俱樂部……等等。

慘咯,過去兩年幾,疫情關係,不少時間會所全關,所有設施冇得用,連餐廳也是時開時停,大家口糠糠。

不過,月費就要照畀,你話條氣點順?於是,碰口碰面就呻:「唉,又白供,MM聲!」

其他會所唔知,但馬會高層可能被「白宮」轟炸,終於最近每個會員回水一千元消費券,算有丁點良心嘞!
曾智華

hd